12 10月, 2016

旺角*芝*夜

有冇朋友像我般喜歡吃芝士?如果有的話就要看下去喇~^0^
因為旺角康得思酒店的The Place 由10月至11月期間推出{芝味狂熱}自助餐,星期日至四成人每位$588,小童及長者每位$408,星期五,六成人每位$628,小童及長者每位$448(OR Coupon更有抵至75折優惠)。
先帶大家欣賞這旺角*芝*夜的強大陣容啦,打頭陣有新鮮的凍海鮮東風螺,龍蝦鉗,青口及鱈場蟹腳,全部都好新鮮呀!
生蠔方便今天有兩款選擇,分別係紐西蘭生蠔及美國太平洋石蠔。


而日式檔的刺身有甜蝦,吞拿魚,立魚同埋三文魚,看上去全都色澤鮮明,相信一定很好吃!
而壽司方面亦都有十分多選擇,但係最推介嘅製火炙壽司,尤以三文魚經過火炙後的三文魚壽司特別香濃惹味。




話明係旺角*芝*夜當然要介紹芝士啦,分別有Danish Blue,Edam,Camembert,Emmental及Cheddar。


另外還有幾款不同味道的芝士醬,芝士迷可樂透了吧!
尤其別錯過這個即席烹調的巴馬臣芝士車輪意粉或意大利飯,味道鹹香誘惑 ^_^


Cold Cut方面有土耳其燻牛肉,Coppa Ham和雜錦凍肉盤,即時好掛住菠蘿呀!
沙律區雖然不算好澎湃,但也叫應有盡有,足夠我自製心水健康沙律。
到熱葷喇!印式椰汁咖哩雞配印度香烤薄餅最適合不過啦!


仲有這個瑞士芝士菜式Raclette Cheese,車媽媽即時心心眼呢!


印式芒果醬烤雞翼,英式焗薯看得到的惹味,希望一陣間可以留肚一試啦!




喜歡吃牛肉的朋友當然不能錯過這燒牛肉吧!


還有芝士焗黑貂魚,香煎邪惡鵝肝及誘人四式芝士焗龍蝦。




是日燉湯係滋潤嘅甘筍雪耳湯。
還有烤芝士火腿卷,出曬名的明閣靚叉燒,蒜蓉西蘭花及香口惹味的黑椒龍蝦鉗,看見都流口水喇!






如果咁都嫌唔未夠飽肚那還有澱粉質食物,例如炒飯和福建炒飯。
另粉麵檔內有清雞湯同日式醬油湯可選,供客人自選喜愛嘅食材變奏出一碗Tailor made的粉麵了。
The place嘅甜品零舍出色,大家記得要留肚食甜品呀!!先由軟滑迷人黑朱古力芝士蛋糕帶大家走進美味的甜品世界。
香甜的白朱古力士多啤梨乳酪蛋糕。
整件都軟滑無比既茉莉香檬慕絲蛋糕。
坊間較少有的甘筍香橙芝士蛋糕。
外貌標緻非常的日式芝士蛋糕。
以及飲恨當晚沒有重溫的芝麻慕絲蛋糕,記得上趟一試驚為天人呢!
切合主題的茅屋芝士卷,即製的外皮十分香脆,大家記得要試呀!
介紹完一系列芝士甜品後,亦有傳統的蘋果提子金寶,中式的養顏杏仁茶。


杯裝小甜品有巨峰提子啫喱,及紅豆奶凍。
當然唔少得新鮮好吃的生果啦,當晚的菠蘿十分香甜呢!
仲未完架!仲有清香好吃的檸檬青檸撻,可愛奪目的粉紅朱古力脆皮慕絲,清香嘅蘆薈青檸啫喱,歌劇蛋糕及黑糖麻薯紅豆和菓子,樣樣都想吃點算-_-#








仲有勁精緻的綠茶窩夫還配上十勝紅豆多吸引啊~
但係再吸引都未及8款Movenpick雪糕來得誘惑呢!
介紹完食物個肚已經打晒鼓了係時候開餐喇!凍海鮮中龍蝦鉗及雪場蟹腳也鮮甜好味,刺身質素正常,生果更是清甜開胃。
而兩款生蠔中我偏愛太平洋石蠔,蠔身較爽味道濃郁,餘韻較長,鮮甜好味道。
而壽司卷物亦都十分具水準,尤以火炙壽司為佳。
這個四重芝士焗龍蝦,源源不絕的供應真的好開心,喜歡吃龍蝦的朋友可以大快朶頣了!
而我就更加喜歡這個黑椒龍蝦鉗, 咬下啖啖肉,帶香濃的黑椒香氣,十分惹人憐愛!
自選雞湯麵味道亦都不俗,愛吃澱粉質嘅朋友啱晒啦。
熱食方便分別取了巴馬臣芝士意大利燴飯,意大利飯極具咬口,加上鹹香芝士味,好吃得令人振奮,當然唔會錯過的即烤薄餅和咖哩啦!絕對係惹味之選,明閣嘅靚叉燒無容置疑地好吃,可惜我取那件偏瘦,如果係肥叉更合我心意呢!
甜品環節當然要食雪糕啦,那份滿足真的令人很快樂,跟好友分別亦特別覺得滋味*^O^*
另外我試咗茅屋芝士卷同埋蘆薈青檸啫喱,兩者都十分好吃,前者香脆可口,後者清新滑溜,可惜胃納不多只能淺嚐這些,最後吃多兩件新鮮菠蘿幫手解膩,便滿足地收口了!
嘆多杯消滯嘅凍檸茶,便帶著滿足的肚子回家啦!Bye Cheese^0^

8 則留言:

  1. 我覺得Cordis D 海鮮同甜品都一向好友水準!:D

    回覆刪除
    回覆
    1. 仲有咁多款movenpick真係好開心!

      刪除
    2. 嗰晚真的太飽了,食咗好少雪糕咋!

      刪除
  2. 點解無重溫芝麻慕絲蛋呀,忘了?

    Btw,旺角“芝”味真係改得貼切!

    回覆刪除
    回覆
    1. 哎咪就係忘食囉!實在太多甜品喇。

      刪除
  3. 雖然對芝士麻麻,但都好多其他無芝士o既嘢食

    回覆刪除