甜蜜的*法*則

這個星期天車婆婆，公公要去飲所以我和車爸爸成機可以去拍吓拖喇，早上跟車車美容完畢後享受完親子樂後，兩公婆裝吓身便出發去銅鑼灣Le Marron吃甜蜜法國菜，享受吓浪漫的拍拖夜。

一踏出升降機便看見這華麗的門面，超期待入去會是甚麼景像！

果然一踏進餐廳就看見精緻華麗嘅擺設，一座優雅的鋼琴座落於門口迎賓位置優雅別緻。

行進餐廳內發現沿途竟然用上優雅嘅沙簾，分間成每個私隱度較高嘅用餐位置！

而我跟車爸爸被安排在靠最尾的位置，那裏有不少別緻的擺設，環景十分浪漫。

在這浪漫的環境當然要飲杯慶祝下啦！左係車爸爸的Blue Eye$88，右係我的Marron Punch$48，車爸爸用番佢七月十四的招數，來顯示這兩杯飲品嘅魅力！

餐前嘅開胃小食{吞拿魚脆餅}同埋{雜菜撻}，兩者之中我較為喜歡雜菜撻，外皮脆脆的口感，而內裏嘅雜菜香口而不寡，味道很讚喔。

{Fernch Tomato Salad with Grana Podano}$88。

這個蕃茄沙律內裏足足有四，五款不同品種嘅蕃茄，有紅，綠，黑，黃色的，加上大量慷慨嘅芝士吃得車媽媽咪晒眼呢^_^

而呢一種翠綠的番茄仔車媽媽還是第一次品嚐，味道會比較激酸但係我十分之喜歡，刺激又好味。

但講到最好味係左手邊那個黑車厘茄，入口成件事係酸甜香脆萬分好吃啊！

{Abalone & Watermelon Salad}$135。

第一次嘗試用黑松露來配西瓜，這個配搭簡直係驚豔之作。

清甜多汁的西瓜配上香氣撲鼻嘅黑松露，那點火花不能小覷呀，連奄尖大少車爸爸亦連番激讃*^O^*

這個鮑魚我吃到日式嘅風情，帶點木魚香的鮑魚浸煮得夠入味，而且質感又淋又滑，很易令人傾倒。

品嚐了精緻而美味嘅前菜，係時候飲餐湯啦{Ceram of Watercress Soup}$75，西洋菜忌廉湯這個組合好像比較少在西餐看見，湯質稀杰剛好，味道帶幽香的西洋菜味，而且忌廉不會過多，我十分喜歡這味道。

Lobster Bisque with Cognac$75，龍蝦湯味道尚算足夠，但係我比較喜歡濃稠的感覺多些！

此時侍應送上間場的青檸雪葩， 清新完口腔後便迎接我們的主菜！

{Tiger Prawns Pan-fried with Butter ，Garlic & Garden Veggie}$260。

成品有三大隻虎蝦，質數十分不俗，蝦肉爽口彈牙之餘亦富鮮甜味，還有蒜蓉炒雜菜用上十分香濃的橄欖油炒成，用法包點來吃滋味無窮。

{Grilled U.S. Holstein Natural 400 Days Grain Fed"Prime Rib Eye Steak280gm}$360

車爸爸挺喜歡這肉眼扒的質感，說其夠淋夠滑，五成的熟度也算合格，但論到牛味他始終喜歡紐西蘭牛，但他說這扒已算不俗。

最期待的Sweet time~

{Pear Cheese Cake} $75，{Pistachio Mousse Cake}$70。

開心果味挺足，而且蛋糕亦都夠鬆軟滑溜，而且配上雲呢拿雪糕即時加分啦，但係雪糕底下那片薄脆更加討我歡心，因為十分香脆可口喔！

甜品師十分聰明在芝士蛋糕間混入梨肉，令成件事變得清爽咗！車爸爸就頗為喜歡，但係邪惡既我就喜歡Original嘅Cheese Cake多點(⌒∇⌒)

食飽飽係餐廳Selfie一張便手拖手拍拖回家嚕，如果日日都係咁就好了嘻嘻！