15 11月, 2016

吃好西,花費無幾!

話說有一日我哋一衆好姊妹相約了一場Lunch姊妹淘,比我們發現了一間質素奇高,但花費無幾的Semi Buffet就係這間Cova Pasticceria & Confetteria 
餐廳好特別位於海港城海洋中心一樓,開放式設計,而周遭被名店包圍,貴氣十足呢!


這個Lunch Special逢星期一至六由12:00-14:30在餐廳供應。
而且最便宜只需付上$138便可無限享用餐廳的Antipasto,細食的女士們絕對係可以食得十分之飽足啊。
等我帶大家睇下有啲咩食先啦^0^
先有凍海鮮盤內裏有小龍蝦,青口,魷魚,大蝦及八爪魚,全都新鮮高質素,尤以小龍蝦咪睇佢的的式式呀勁多膏喔!
仲有鮮艷十足的雞卷,內裏黃色嘅係意大利小黃瓜片來的夠矜貴了吧!
另外有意式香腸沙律,青蘋果沙律。


半自助餐少見的矜貴白蘆筍亦有供應,清甜無渣勁好吃呢!
邪惡的鴨肝和鴨胸,擺盤精美看上去邪惡驟減!
還有清新的紅菜頭配吞拿魚。
當然最基本嘅煙三文魚都包括在內啦!
這個魚子蛋沙律多士,矜貴得來味道亦絕佳,別忘掉試它喔!
還有不少凍肉和我最愛的風乾火腿。






期間限定係乳豬飯,問大家服未!!
新鮮已切粒的生果,色彩鮮明,容易入口。
仲有美艷動人的龍蝦沙律,好豐富的沙律內有不少龍蝦呢。
而熱食方面都有選擇㗎!有呢個意式芝士餛飩和青瓜蛋餅。


還有新鮮好吃的麵包籃,款式特多,任君選擇!


嫌淨係食前菜好似有啲單調,好簡單加$40就可以任食埋這兒的甜品Corner。
內有cova招牌的芒果蛋糕及朱古力蛋糕,另外還有一些新鮮生果及一些迷你嘅甜品撻,好甜一族應該唔會吝嗇這$40吧!!











好喇介紹完畢係時候跟一衆姊妹開餐了!
先來第一碟頭盤,內裏我最喜歡嘅當然係風乾火腿,香而不鹹配上哈密瓜同吃多滋味呀!另外還有白露筍都係車媽媽的心水之選,仲有哪件黑魚籽蛋沙律多士,唔食你就走寶啦!!
好吃又高質素的頭盤當然要Encore啦!!
而這件意大利雲吞芝士味香濃,味道十分出色,好邪惡呢!
貪心的我們當然會試埋這兒的主菜啦!想食晒自助甜品+主菜都係$228/位,不好甜的朋友如果只係想食自助前菜+主菜,亦都只係$208咋!!
主菜只有兩款選擇,我哋就叫晒兩款來分吃吧!第一個主菜係燒肉眼扒,成品看下去粉嫩非常,姊妹們吃得都幾開心呢!
而我就可以試這個三文魚卷粉。
三文魚卷內包著軟滑的三文魚忌廉,伴著矜貴的是藏紅花汁,簡直有貴婦的感覺呀!
最後當然你甜品時間,大家夾手夾腳每樣取些嚟影張大合照,便可以慢慢欣賞這兒的甜品。
咁多款甜品中最令我有深刻印象便是這件芒果蛋糕,大家都知道現在不是芒果季節,但係餐廳做得十分出色呢。
內裏層次清晰的芒果蛋糕,吃下芒果甜美,蛋糕鬆軟,忌廉輕甜,成件事都十分美麗,吃吧這餐後我們幾位姊妹們已經蠢蠢欲動想再來重溫午餐呢*^O^*

4 則留言:

  1. 記得早兩年返嚟香港時"路過"呢間,可惜因為同行有6299喺度,所以只能路過咋。

    回覆刪除