18 11月, 2016

接受挑戰嗎?

近年泡菜國強勢入侵本土,不論男女老幼皆全民捧韓,我呢個從少喜歡韓國燒烤的小粉絲當然更加興奮,因為除了傳統的韓燒外現在多了很多菜式,如步隊鍋,雪花冰,韓式年糕和炸雞等等美食。
這夜又找來數位好友去新張不久的Yadllie Plate吃新派韓國菜。
韓國餐廳便是有種活力的標記,裝修都充滿著年青人的幹勁和味道!


今時今日喺香港嘅食店 一個叉電嘅位置真係不可或缺的,尤其是像我們經常長時間外出用電話的人,經常需要餵飽它有這裝置真的方便很多呢!
食韓國菜先上前菜這是必然的事啦!介紹埋左手邊黑色嗰粒其實係呼叫器嚟可以要嚟叫侍應生㗎!
前菜有醃蘿蔔,韓國出名嘅紫菜仲有沙律添,而我就最鍾意食韓國嘅紫菜喇。
都已經11月㗎啦仲係咁熱要飲杯冰凍的{紅色飛雪}$58。
用上士多啤梨和乳酪來混成的紅色飛雪,喝下士多啤梨味香甜加上酸酸的乳酪十分開胃呢!
朋友喜歡飲韓國燒酒,呢一款帶有桃味嘅韓國燒酒入口香甜沒有一般生果酒的苦澀味。
但我最喜歡嘅係呢一個笑咪咪的酒杯,見到佢真係心情大靚呀!
第一份上檯嘅係用爐上的{芝士排骨}$198,內有五支排骨加上大量嘅芝士粒粒,見到都已經興奮呢!


待芝士熔得八八九九的時候,侍應便會來將排骨繞上芝士給我們享用,排骨味道不算十分出色但係肉質挺鬆化,加上香濃芝士都不失美味啊!
好友點的{首爾街頭小食盤}$188,內容十分豐富有年糕,魚餅,雞蛋和炸物!橙紅豔麗的湯汁盛載著都係甜美的韓國辣醬,不吃得辣的朋友也不需害怕。
現在食韓國菜冇可能唔叫雞啦!我哋最後選擇{半半炸雞}$168,揀了蔥絲炸雞和大邱辣醬炸雞。
蔥絲炸雞肉汁都幾豐盈,雞肉嫩滑度可以接受,而且真係帶有蔥香味,我都幾喜歡呢。
而大邱辣醬炸雞就好玩啦!佢有五個辣度之分,由膽小級至後悔級都有, 而要顧及朋友嘅感受我哋只揀咗第三級的知滋味級,這個辣度對我嚟講還未算辣我相信可以挑戰第五級的後悔級!
如果能夠挑戰成功後悔級辣雞,仲可以獲得以下豐富嘅禮物,就係背囊一個,我下次一定要嚟挑戰呀!
另一搞鬼之作{棉花糖作料炸雞}$168,一上檯確實吸睛非常,鬆軟可愛嘅棉花糖包裹著嘅究竟係咩呢?
原來甜美嘅背後係香辣味的炸雞,這款炸雞既味道又同大邱辣醬炸雞有D分別喎,加了少少香味只不過係微辣嘅感覺,其實加上甜甜地嘅棉花糖,吃下有點像我哋中式的生炒排骨呢!

2 則留言:

  1. 我上次喺呢邊食都覺得排骨芝士鍋d排骨都冇咁好食,好似“興”住太耐舊肉有d鞋,但d溶咗嘅芝士加埋個辣汁就勁正。

    回覆刪除
    回覆
    1. 冇錯重點係芝士和辣汁,當然若排骨好吃就更享受了^0^

      刪除