遊客餐!!

辣局衆辣友久未聚頭難得今次好齊人,可惜還欠久咳未癒的劉總,老友你要快D好番啊!這次揀了這間鄧記 Deng G全程充滿*驚喜*喔!!😏
餐廳裝潢雅緻,我們一行9人被安排坐廂房內,坐得十分舒適。
小吃各$20/客,腰果香酥脆,泡菜香辣惹味,弄得滿生心期待呢!
先來數款涼菜,{蒜泥白肉}$75,真係唔好意思我想食辣嘢唔係想食甜品囉!汁醬甜得過份,還好的是腩肉質感不俗!😅
繼而係{口水雞}$75真係唔明白點能夠凍到有冰感的口水雞奉客,雖然我哋叫嘅係冷盤,但係並不是凍盤囉!雞肉並無特別嫩滑可口,醬汁嘅味尚算香口,但對我嚟講辣度未算到位!💣
{夫妻肺片}$90這個我沒試,要交給好友們好好欣賞,但聽聞醬汁跟口水雞沒兩樣!
{辣子雞}$168香氣還算足夠,吃下亦都係沒什辣勁,但係雞肉就濕濕碎碎而且份量偏少,以這個價錢我覺得唔值得去試囉!😣
{水煮牛肉}$188我覺得全晚最抵食係呢個㗎啦,雖然我冇試過味道,但起碼份量足夠我們一檯人嘛!
{水煮桂魚片}$388呢個水煮魚就經典了,食到最後才發覺我哋一檯九人竟然有四個人沒吃到桂花魚,其餘好友亦都係吃了一件咁大把,但係碗內已經沒有剩餘的魚片了!跟侍應了解情況才先O嘴😲,他跟我們說這兒份量係足夠的,因為這個水煮魚只供三四人份量,之後我沒話好說了!😒,不過墊底的薯粉很好吃我們決定另加兩客!
但不知為何等了良久都只得一客薯粉$40/客,最後才知道這裡已是兩客的份量,天啊我太大食了得兩注薯粉夠誰吃喔! 😱
我自己全晚最滿意就係這碟{乾鍋牛蛙}$168,肉腿嫩滑豐滿,辣味出色,雖然份量亦都係偏少,但係起碼味道係吸引的。
點都要整碟菜嘅{乾煸四季豆}$90一碟平庸嘅乾煸四季豆賣價亦都十分進取呢!!
我哋還試了{火爆豬肝}$110,這味亦都算係出色之作,豬潤質感嫩滑恰好,吃下帶香氣,係略嫌豬潤薄身左少許欠咬口啫!
最後還有這個{過橋排骨}$220,坦白講我真係唔識欣賞這幾條排骨,首先肉並非係鮮肉,因為一點也吃不出肉味來,最慘係外來的香氣都蓋不了那份雪味差勁!!😵
吃吧一頓貴夾唔飽嘅晚餐我哋決定要去食糖水溝貨平衡一下心理!好友們選了這間翠苑甜品專家 ,我還是第一次來幫襯都幾旺場喎!好好彩我哋到時還未有人等位,不消一會有客走我哋便可以入坐了!💁
翠苑買嘅全部都係中式嘅糖水,好耐冇幫襯過這種糖水鋪了!!記得上次我們一衆辣友去佳佳掃餐牌多暢快按此可重溫 。😋
貪心的我們左揀右揀終於揀到自己嘅心水{合桃糊燉鮮奶}$20,其它好友分別揀左紅豆沙,桑寄生蛋茶,合桃糊,芝麻糊燉鮮奶仲有腐竹雞蛋添!!好友KK的合桃糊(右上角)呈粉紅色很嚇人呢haha~😱
這個合桃糊燉鮮奶好鬼過癮㗎喎!初時以為燉鮮奶上合桃糊,原來合桃糊係藏在燉鮮奶內,這個做法都挺有心思💕,雖然食落味道不是好吃到升天,但係亦都算夠香夠滑,而且味道唔會過甜,合桃香加燉鮮奶原來都幾夾㗎。👍

留言

張貼留言

熱門文章