清酒誘惑賣醉吧！

車媽媽自命係飲得之人，不過隨著年齡增長現在只敢淺嚐，但有時酒到濃時真的很難控制的，像這夜遇到啱傾之朋友加上有意思的店子，飲酒的感覺便來了！🍶🍸

那一家店子擁有這種吸引力，正是這間Shack Tapazaka門面一點也不像有日式風味的居酒屋，反而像西式酒吧！我覺得有點像混血兒般的那份魅力。

內裡絕對像酒吧的格局感覺奇特，先由一個巨型酒輪揭開這兒的神祕面紗。🎡

Shack Tapazaka原來主打日式清酒，梅酒更，會用上它轉化不同身影的調酒，不斷為客人帶來驚喜。

酒類選擇煩多，最終千挑萬選出心水飲品。

好友酒興大發揀來枝清酒飲同暢飲，這清酒入口不太辣還可加入梳打水享受另一種層次呢。🍶

我揀了杯以清酒作調的Jap Jap$128，用上自家浸荔枝清酒，薄荷葉，荔枝酒及自家綠茶調成。🍹

層次分明的Jap Jap入口帶幽幽荔枝香氣，配合綠茶甘香，味道幽香不甜，整體好清雅脫俗。

飲的享受了係時候到吃的喇，這兒食物為配合日式酒品當然係用上日式美食啦，那送酒良品莫過於炸物，串燒吧！🍡🍢

                                                                  
岩手縣雞軟骨$58雞軟骨炸得酥香銷魂，軟骨質感比較實淨需要點牙力去享受它，但係一粒一粒咁嗒來嘆酒又真係十分之爽嘅！

呢一份頭盤係薄切炙烤劍魚片$88，用上日式酸汁配襯輕輕炙過的劍魚片，味道清新可人，而劍魚片經炙烤過後帶出一絲絲焦香，增添了味道的層次。

炸蟹肉餅$88 這個蟹餅身型龐大絕對抵食，因為內裏蟹肉比例十分之高呢，而面頭配有不同嘅醬汁最上那一件係芥末醬，中間嘅係柚子醬，最後係我最欣賞的蟹膏醬，連同蟹餅一齊吃下鮮，香，脆通通有齊好不愜意呢。💕

當然還要試下這裏的串燒啦！一見到烤菠蘿$28當然不能放過它啦，燒過的菠蘿特別香甜而且十分多汁好yummy。

黑毛豬腩片$88，豬腩片燒得挺香，喜歡它只用少許鹽和胡椒來調味，簡簡單單的才吃得出肉味來。🐷

最後呢份岩手縣雞翼$58，雞皮燒得香脆可口，可惜嘅係雞翼內未算入味！🐥

餐廳負責人見我哋飲得興起，送上未推出售賣的特色調酒給我們欣賞，這杯用清酒，梅酒加Gin酒調出來的Cocktail入口微酸，酒味不强，唔識飲酒的女士們要小心呀！！

另一杯用上清酒，Rosemary，檸檬和蜜糖調製的Cocktail。

這杯要慢慢欣賞，因為待那件Rosemary冰溶了後味道會更加出色，入口酸香清新又不辣口，中晒車媽媽最愛的口味呢杯我比95分👍

最後呢一杯係用梅酒，橙皮同威士忌調成，喜愛飲濃酒的朋友必定會喜歡它，這杯入口酒味會濃些，但係亦都不辣喉的相信這便是清酒的魅力。

飲完咁多酒梗係要食返啲甜品啦！不過唔好意思喎甜品都係酒呢哈哈！抹茶雪糕$38質感都好滑溜，但我更喜歡另一款梅酒啫喱呢！

是日精選甜品係梅酒啫喱$38，質感Q彈入口充滿梅酒嘅香氣，呢杯好好食喔，Shack Tapazaka真係一間很特別的*居酒屋*大家有機會一定要去賣醉一番。