吃出個型男

上星期日車爸爸要剪頭髮,那便成就了一天拍拖日。👫
剪髮後捉了車爸爸去尚香吃湯包,喺facebook第一次見到個心已經決定要來一嚐這個大大隻的湯包, 終於今日食到喇!


邊度選擇得壹,貳 ,叁,肆,順序係蟹黃湯包,蟹黃小籠包,鮮肉小籠包和糯米燒賣,不過是日去到貳,叁已經售罄。
不過其實我係為阿一哥而來的,所以亦都沒有失望!
這天不算太多人等候,呢一輪嘅湯包我們不需等三分鐘便買到蟹黃湯包$45,錯過咗要呈15min呢!
點解我老公連吮湯包都靚仔過人㗎哈哈!店方會配合一支飲管給客人 ,吸啜湯包內的熱辣辣蟹黃湯,溫馨提示小心燙嘴呀!
這個蟹黃湯包內裏係沒有肉的,內裏全是蟹黃同蟹肉,味道都算有蟹的香氣,可惜亦帶有點腥味,而且湯包頂部較硬,吃落真的有點失望呢!!
吃完麻麻的湯包就同車爸爸去灣仔行街街,經過呢間味苑發現同荃灣嗰間好似喎!原來真係分店嚟㗎,因為我兩個都好鍾意荃灣分店的出品,所以就決定在這裡晚餐喇。
細看餐牌跟荃灣分店一樣抵食,車爸爸一見菜膽雞燉翅即時嚷著要吃,而我就睇中新鮮大元貝,好先揀呢兩樣超抵食嘅特價菜先。


車車爸爸嘅評語係這個菜膽雞燉翅$38,湯頭好清甜,內裏除了真翅(罪過)外還有鮮雞和菜膽,呢個價錢確確實實冇得輸呀!


而我選的新鮮大元貝$28/隻,用了蒜蓉粉絲蒸個子不少的元貝鮮甜美味,而且師父蒸得啱啱好,一D都唔會靭,而且調味亦恰到好處好好味呢!!😋
好喇到咗飽肚嘅食物我哋就揀咗燒味,今晚食豪DD點份鴛鴦脾飯$98,切雞加燒鵝脾看見已吸引,切雞很鮮嫩皮下脂肪少味帶香好掂檔,而燒鵝脾香氣亦不輸蝕,鵝肉酥軟可惜鵝皮就未算香脆!
最後點份上湯浸豆苗$88🌱,味道不俗上湯浸不會油膩,清清腸胃十分舒服。
最後店方送上蓮子雪耳糖水夠晒足料,滋潤非常。
吃飽便跟*偽張家輝*搭叮叮去中環轉車回家啦,不知何時可再去拍拖呢?👫

留言

張貼留言

熱門文章