外太空點心!

20世紀坐火箭上太空已經不是什麼奇聞,航天技術屬真屬假我不得而知,但我相信某些人的腦確實上過太空,像國金軒的大廚及他們團隊做點心的那份心思便完全看得出來。


第二次到來心情還是興奮又期待,不知這天又會有什麼驚喜呢!!


這兒的小吃一定十分美味,皆因識食的Chloe妹妹把腰果吃過不停呢!
率先上檯的{古法金蒜星斑腸粉}$78,有完美手模幫忙傾進香甜豉油,變奏出完美腸粉。
剔透嫩滑的腸粉皮內,包覆著鮮甜星斑球,以及香充滿豆香的腐皮,這種層次感令人吃到腸粉的另一角度。
{松葉蟹芝心春卷}$56,炸得香脆不油膩的春卷皮,內裏填滿矜貴的松葉蟹肉,加上濃香的芝士,咬下質感香脆,味道鮮甜又惹味,教人怎能不愛它啊~
但講到最大的驚喜便是這個海參柚皮魚蓉札$66,內裏包含有海參 ,魚蓉,柚皮全部都係我愛之物。
最正嘅係用上優質香口又彈牙的蝦籽麵,紮起所有矜貴的材料,成件事十分融和,絕沒半點違和感,狠狠攻陷車媽媽的心!
而這個懷舊點心{流心鵪鶉蛋燒賣}$63,我細時真係好鍾意食㗎,但來到國金軒當然唔會咁簡單啦!皆因那隻鵪春蛋係流心的,將成件事帶上另一個層次,而且師傅都好細心地張墊底菜用上雪耳來泡製,見微知著很出色呀。
講到殺食不得不提這件{紫薯百合菜苗餃}$52,先係煙韌不黏牙的餃皮,看到功架已經係十足了,內裏有嬌豔的紫薯,加上清新鮮白合和菜苗,仲有勁爽彈的鮮蝦,簡直係美貌與智慧並重的一件餃喔!!
{金箔荀尖蝦餃}$66,當然要重溫國金軒的美味蝦餃,粒粒飽滿皮薄餡靚,第二次吃仍舊覺得驚豔。
天氣有啲涼涼哋,嘆返碗{菜膽香菇花膠湯},味道清香又滋陰,喝罷即時全身都暖笠笠。
吃了這麼多點心最尾加了一個{魚湯鮮茄浸菠菜},奶白魚湯一喝下便知有沒有,鮮甜不腥加上清香蕃茄更加鮮味,菠菜吃下嫩滑不鞋口,真的好美味啊~
{榴槤煎堆仔}$46,炸得香口煙韌的煎堆仔,內裏包裹著不少榴槤蓉味道都挺香,但又不算太過濃烈,不愛榴槤嘅朋友都可以試下呢!


最後享受多碗是日糖水{合桃露}, 質感滑溜,味道香濃不太甜,作為這餐的結尾,足以令人深刻記下不能忘懷。


留言

  1. 松葉蟹芝心春卷->呢個好想試呀,尤其喺我呢度,食來食去都係d呃鬼佬嘅春卷!:P

    回覆刪除
    回覆
    1. 妳哋跟Chloe妹妹一樣喜歡松葉蟹芝心春卷,她吃了兩件呢!

      刪除

張貼留言

熱門文章