離家出走@澳門外傳

早兩天的離家出走澳門篇,大家睇得開唔開心呢?今日仲有外傳呀!其實係講緊我哋除了皇冠假日酒店以外吃過的美食,第一日到埗便到米芝蓮三星8 The Eight享用我們的午餐。
首次到訪餐8餐廳被它的華麗裝潢深深的攝住了,到達門前有點令人屏息靜氣的感覺!
要經這個秘道才能通往餐廳,自動門一打開地下便投影出很多金魚來迎接我們。
經過魚兒歡迎後正式進入餐廳內,可惜不能隨意影相,不過也偷偷影了掛滿8的堂煌吊燈。
檯面上沒有多花巧的餐具,這樣更令我期待紮實的食物功夫。
大鄉裡出城的車媽媽還是第一次見這樣壓縮的毛巾,添了水後便可用來抹手好可愛呢!
率先上檯係精緻前菜三色椒炒豬爽肉,伴柚子鮑魚凍。
這柚子隻鮑魚凍清香又鮮甜,作為開胃菜十分適合呀!


期待的點心亦接著上場, 用上高貴嘅銀蒸籠奉客,超華麗耶!


籠內藏著栩栩如生的藍天使蝦金魚餃,和鮮蟹粉龍蝦石榴果。
這隻跳脫可愛的藍天使蝦金魚餃外皮爽滑,內裏的蝦肉鮮甜至極,而且爽口彈牙,出色得過份呢!
但係一山還有一山高,這顆鮮蟹粉龍蝦石榴果絕對俘虜了車媽媽的心,透薄煙韌的外皮,包裹著充滿彈牙鮮甜的龍蝦肉,最妙一點係吃下石榴果後慢慢滲出那幽幽芹香,令人留下極度深刻印象。
然後係原隻鮑魚羊肚菌雞粒酥,和黑松露鮮蝦脆春捲來接力。
我也好奇試了伴碟的精緻金魚,其實係冇調味嘅薯蓉來的,精緻得如果有味道的話根本係一件小點心囉!
先品嚐黑松露鮮蝦脆春卷造型已經夠贏了,半邊春卷切成花型再攞去脆炸而成,入口香脆不油,內裏的蝦肉鮮味十足,加上幽香松露味道,那有不好吃的道理!
矜貴的原隻鮑魚羊肚菌雞粒酥,鮑魚味道濃郁,比較重口味的我絕對不抗拒,但同行友人覺得可以輕味一點。
到最後兩款點心造型十分仔細的河蝦肉鬆手袋酥,和妹妹最喜愛的脆香叉燒包。
河蝦肉鬆手袋酥不只造型美侖美奐,吃下更酥香不油膩,內餡味道恰好,相當精彩呢,而那個脆香叉燒包亦十分出色,包底香脆玲瓏不過硬,十分好味道呀!
接著便是我們最期待的兩款肉肉,先米脆皮柚子手撕雞。
只能用精彩才能形容它,雞皮脆得像薯片般但吃下竟然係沒有油膩感覺。
而底下的雞肉柚子味道清香又富雞味,真的不能用筆墨形容那種美味, 吃得我十分愜意喔!
另一樣就係我最最期待的原隻乳豬焗飯,看那可愛的乳豬仔,雖然真的好得意,但係你實在太美味了,我無奈吣哋都要將你吞沒啊!!
大家看他的身段多麼圓潤,多麼誘惑,口腔內的唾液已經不受控制喇!


這隻來自越南的乳豬仔脂肪沒多,但經燒烤過後豬皮輕薄香脆,肉味香濃,釀在中間的飯完全吸盡乳豬豐腴的油香,吃下真的銷魂蝕骨,我認輸喇真心誠意的佩服大廚的驚人手藝。
乳豬仔可以分出8件乳豬飯,剩下的豬手,豬腳其實都一樣咁嫩滑脆口,我再飽都要吃多一件呀!
最後嘅甜品係香味杏汁豆腐,可惜車媽媽唔係幾喜歡杏汁的味道,所以我冇吃呀!!


不過我有這杯香甜奶茶,加上一件紅豆千層糕,甜胃蠻滿足哦!




吃完呢一個午餐之後就去咗酒店嘅行程,早兩日大家都睇過啦,但係當晚有個餘興節目之前係未有提及嘅,就係食完自助晚餐後我哋終於去咗唱K喇!
當晚還發掘咗三隻炸蜢添哈哈!大家玩得超盡興差不多12點才依依不捨回酒店。
第二天離開酒店後我哋並沒有即時回港,而係繼續吃喝玩樂至夜晚,而且車爸爸仲過來澳門會合我們一齊去happy呢,車爸爸還未吃午餐我哋就過了氹仔百老匯大街搵吃嚕!
找了這間榮記荳腐麵食,聽清麗村姑講都幾好味㗎,咁我哋就食呢個啦,啱晒剛整完牙的車爸爸喔!
其實佢同車仔麵係冇咩分別,不過會多咗香滑豆腐在內囉。
凍豆腐花$18豆味都算足夠,而且質感都好滑溜呀,不過有DD少貴囉!
凍豆漿$15同樣香滑有豆香,不過我飲到有少少燶味!!
另外車爸爸點了全餐$68(小), 餸料比係香港吃到的比較大件。
內有豆腐,魚旦,水魷,豬紅,薯仔同埋鯪魚肉十分豐富,浸住餸料係一些類似蠔油醬汁,香味唔算太濃烈但係好天然,而且味道都十分清新好吃,當中我較欣賞水魷鹹鮮味濃,又夠淋身,另一樣係鯪魚肉吃得出那份新鮮的魚香,最重要係冇連皮打成,所以沒帶半點腥味,質感煙韌富咬口。
吃飽飽一行出門口就見到一個踩住高橋嘅表演者,見他笑容可掬十分敬業,忍不住影了他一幀相片。
而街頭的檔口仔有個奶茶檔賣樽仔奶茶的,我即時買了一支給喜歡喝奶茶的車爸爸試。
我也試了一口味道果然不俗,而且香滑濃郁程度算係高水準之凍奶茶。
飲飽食醉後其實天都開始有啲黑黑哋,未去晚餐前给我們碰見在銀河內見到這間檸檬車露雪糕店,幾個雪糕迷即時雙眼發光!




這間雪糕店還是米芝蓮推介小食的其中一員,而且價錢比香港的便宜得多呢!
味道選擇亦都十分之多,足足有成三十幾款口味,真係好開心囉!有選擇困難症的朋友請小心。


我哋各自選了心水嘅雪糕後,便一邊欣賞金光璀璨的銀河,一邊盡情享用美味的手工雪糕。
吃得超飽的關係我跟車爸爸選了三款口味的雪葩$55分享來吃,紅蕃石榴,檸檬及Ruby Peach,貪其清新解膩嘛,三味中我偏愛紅蕃石榴,味道真實質地亦幼滑。


本來我們還想到牛記吃蟹黃撈麵,但係時間真係不夠了因為我哋已經訂咗七點鐘去肥仔文美食吃我好掛念的水蟹粥。
雖然我哋係訂咗檯但係去到都要等咗十分鐘先有位,因為佢地方唔大只得十數張檯在內咋。
行咗成日真係有啲攰呀飲番罐可樂$16補充體力先^0^
率先上枱嘅係蝦子雲吞撈麵$65,一上檯影相嘅時候已經不斷聞到蝦籽的香氣從鼻子衝上我的腦袋,吃下果然不負眾望麵質爽口彈牙,蝦子香氣蝦籽香而不鹹,而雲吞亦都足料彈牙好好味道呢,好吃得最後還要再encore多一碟喔!
十多年沒有吃過澳門的水蟹粥$270/窩,每人可分到兩碗有多,粥底十分香綿,粥內富鮮甜蟹香味,雖然吃到有少少師傅,但吃吧我亦沒有太口渴的情況出現。


牛腩煲$110十分大煲嘅牛腩煲,內裡有牛腩外還有不少牛筋,聽聞味道不俗但係個個都不算肚餓所以被冷落了!
金銀蛋豬潤浸娃娃菜$88多謝好友們相揀淋身的娃娃菜,因為車爸爸剛整完牙不吃得太硬嘅蔬菜,上湯十分鮮甜而娃娃菜亦盡了本份索盡湯汁好吃得可以,可惜的是豬潤煮得過熟了較為乾柴呀!!
尖椒炒豬肚$93這個菜鑊氣十足,內有我最愛吃的尖椒,可惜不夠刺激,豬肚煙韌有咬口好吸引呢!
但係最得我歡心嘅就係呢個炸雙丸$120,每款丸有五粒之多,而且每顆都大大粒,墨魚丸味道香濃,質感彈牙,而鯪魚丸吃下亦鮮甜沒帶腥,好高質素呢。
 最後叫多半隻菜膽雞$110,這個菜膽雞就唔係好掂喇!雞肉白雪雪兼冇雞味入口又嚡烚烚,不過菜心就超級淋甜好食喎,吃吧這一餐便完滿結束澳門之旅,我要趕快回家陪車車喇,希望有緣再來澳門玩過啦^0^

留言

張貼留言

熱門文章