08 11月, 2016

冰室的魅力

茶餐廳和冰室絕對係車媽媽的童年最快樂回憶,那杯極盡美味的紅豆冰,香甜軟熟的西多士真的銘記於心。
所以長大了的我亦經常會到茶餐廳或冰室用膳,找回點點童年美好的回憶,可惜係舊式茶餐廳及冰室越來越少了!不過現時換來了不少復古嘅冰室也算是一種美好的延續吧!這次便來到西環金記冰室記得它喺銅鑼灣,灣仔也有分店喔!食物質素亦都不錯,這天五點零鐘嚟到西環肚仔有啲餓,咁就同好友吃過早晚飯吧!!
一踏進餐廳便見到懷舊嘅汽水櫃,有餐廳少賣的維他奶和麥精以及樽裝汽水,如果有埋綠寶就更加完美喇。
餐廳內的插畫十分可愛,尤其喱個奶茶仔甚得我歡心呢!




這個時間到來還有下午茶,而且差不多有精選晚餐可選,貪心的我們當然每樣都叫啦!
先飲杯{雪山菠蘿冰}$13大家都知車媽媽一見到菠蘿就失去常性啦!這個雪山菠蘿冰其實係忌廉汽水加上菠蘿粒,然後再添一球雪糕在上,成件事來得十分豐富, 香甜又好味呢!
好友的和尚跳海即係{滾水蛋},好記得車公公以前經常喺屋企整給我飲,平靚正之選又有營養呢,真的很久沒喝了,待天氣再冷一點在家中沖一杯飲下先得!
來到金記冇可能食{咖哩雞扒撈公仔麵}$45囉!咖哩香濃而不幸辣,撈上乾身不軟爛的公仔麵確係十分吸引啊~
有男神喺度梗係要整多件{咸牛蛋治}$30畀佢食啦!
另外點了一份精選晚餐,當中會有個靚例湯送上,這天係蓮藕章魚湯,味道也十分不俗呀!
精選晚餐今天我選了{涼瓜炆倉魚}$98,質素很不錯啊,倉魚沒有腥味而涼瓜都甘香好吃,絕對值得一試呀。


6 則留言: