12 12月, 2016

我和四男有個約會😍

車媽媽自覺好幸福,須然車爸爸平日甚少陪到我晚餐,但我也不乏好友相伴,像這夜我更和四位城中美男去角打屋台飯聚一番呢!
角打屋台位於大坑內的施弼街自成一角,氣氛輕鬆跟朋友來飲酒吹水認真一流!🍻🍤


充滿日式風情的居酒屋,矮小檯凳,週遭掛滿菜牌,那份風味對於未能遠行的我也可算是丁點安慰。


好友的梳打特飲味道就沒試喇,但那八爪魚杯我就喜愛不巳!🐙
先吃前菜吧!胡麻豆腐$18,燒米茄子🍆$38,魷魚鹽辛🐙$28和龍蝦沙律$38。


當中最愛魷魚鹽辛,黏稠的魷魚原來是加鹽發酵出來的食品,入口鹹香咬細緻,口感煙韌送酒一流喔!
角打炸雞🐔$38充滿驚喜的水準,炸得酥脆雞肉夠juicy,而且十分抵食呢!
仲有我最愛嘅鮟鱇魚肝$58,入口質感黏糯,味道甘香誘人極盡邪惡之物。
醬油燒帆立貝$20/隻,帆立貝簡單的用醬油燒已經很好吃,這做法我經常會在家裏煮給車爸爸食㗎!
天婦羅點了宮城蠔,沙鑽魚,針魚,紫蘇葉,南瓜,蕃薯,露筍,蓮藕,蝦和螺肉,價錢由$12-$32/件不等。
角打屋台的天婦羅表現十分出色,炸漿酥脆輕身,而且不會油膩,確係出色之作。
松葉蟹甲羅燒$68顧名思義即係燒松葉蟹蓋,而且內裏放滿蟹膏來燒,極盡邪惡又誘惑。
蟹膏吃下甘香沒帶腥,配梳打餅一齊食口感更加鬆脆可口。
朝鮮八爪魚🐙$48內有爽口漬蘿蔔,青瓜和爽口八爪魚粒,醬汁酸酸香香的挺惹味。
這份味噌豬腸🐷$58味道好吃得沒話可說,先係配角蘿蔔夠晒入味,而主角豬腸富香濃腸味外,質感亦夠淋身超級好味呢!
牛油番薯🍠$38,呢個牛油番薯外型十分特別,夠晒新鮮感,吃下帶幽幽的蕃薯香氣我喜歡呀。
間八刺身$48這款魚質感較彈牙,魚味不算十分濃郁,但上酸汁同吃就能提升鮮甜味道。
關東煮豆腐,蒟蒻各$8蚊串,用上凍豆腐來炮製更加索味,呢個真係好好味道㗎!
魚之一夜乾🐟$68如果大家有睇羅家飯,都知車媽媽都好喜歡整呢個一夜乾的,呢次出街食舒舒服服,啖啖肉的吃更真的過癮。
味噌燒蠔$20,經燒過的蠔味道更加香濃,不會水水的很不錯啊!
最後呢份炸南瓜餅🎃$18,炸得很酥脆內裏嘅南瓜蓉好香甜,加少少沙律醬一齊食,真的十分吸引呢!
               

4 則留言: