魚生的誘惑

如果話比大家知兩佰零蚊嘅自助放題內竟然有高質素嘅魚生無限任吃,大家覺得點樣?非離地事呀我講緊就係上星期日跟車婆婆,公公和車爸爸去了荃灣新開的滿屋日本料理吃高質素的日式放題。🍧🍨🍤🍣🍱
話比大家知怎抵食先放題分兩時段17:30-20:30和20:45-23:30,價錢成人👩👨$228~$248,小童👦👧全程$148,仲要如果19:30前離座或21:30後入座更可享全單85折夠抵了嗎?未算還有晚市6人同行1人免費呢哈哈~
一上到去就見到自助嘅甜品櫃內裏有數十款的色可愛嘅甜品,如益力多乳酸,日式紅豆糕,焦糖布甸,十分衛生企理。
還有日式和果子,哈蜜瓜奶凍,濃牛乳布甸。
仲有焦糖布甸,藍莓芝士蛋糕,朱古力波波和木糠布甸,總之看上哪件便取那件啦爽了吧!


而自助區不定時會推出熱食,例如這個 汁煮東風螺,另我當晚還見到有蒜蓉蒸蝦等的美食輪流推出。
這兒最特別嘅係前菜區都用自助形式,唔需要落單笞啱晒肚餓的朋友吃著入單,其實咁都有好處㗎有陣時D放題前菜真係會比一隻八爪魚呢,而家我自己鍾意食幾多攞幾多都唔錯吖!
而刺身方面除咗可以用Order紙去點選自己心水所愛外,在這個自助區上亦都會不時供應一些特別魚生,例如深海池魚和劍魚腩等!
而餐廳亦都有供應自助嘅軟雪糕機🍦,仲有小朋友最愛的爆谷機添🌽。


喜歡乾手淨腳嘅取杯裝雪糕或者雪條又得,不過係雀巢雪糕咋。
從來日式放題飲品都係十分之多選擇的,這兒也不例外如有薑茶,清熱酷,日式罐裝嘅飲品,烏龍茶,可樂連忌廉溝鮮奶都有呢!🍷🍸🍹🍺
另外呢一隻櫃內裏裝有一款新品牌嘅果汁,不過我沒試呀!
而最後呢個亦都裝滿各式各類嘅氣水,而最特別嘅係右下角嗰隻芒果啤酒好鬼好飲㗎!
櫃入面都冇嘢啱飲都唔緊要,這兒還有即沖特飲,我還是第一次見放題會有呢一種即沖飲品供應咋,而且款式仲有4款之多,紫色控的車媽媽當然要藍蝶花冰糖雪梨特飲,而且婆婆就揀咗紫貝天葵蜜桃梳打,味道香而不假而且甜度不高值得一試。
車爸爸好醒目哋組了一碟前菜給我享用,因為我係最鍾意食日式小食的,內裏有海蜇,泡菜八爪魚,帶子裙邊和日式墨魚咀,當中最正嘅係泡菜八爪魚kimchi嘅味道香辣又惹味,而墨魚嘴吃下脆卜卜可口非常,呢兩樣係必食㗎!
而這個意大利有機萵筍沙律個名好似好勁咁就叫一客來試試吧!萵筍吃下係爽脆嘅不過用上意大利的油醋汁我就覺得有少少格格不入囉!
自助區中的凍海蝦亦都係似媽媽誠意推介,蝦肉爽口彈牙,而且還帶蝦膏質素奇高喔🍤。
食日式放題我最看重刺身質素,我可以大膽話你聽這兒的質素完全不用擔心,我覺得比起大X屋的還要更加出色(價位更為吸引),當中尤以赤蝦和油甘魚最為吸引,兩款都鮮甜無比令人難以抗拒。🐟🐚🐙
但在自助區取的刺身就更加驚豔了,這個中吞拿魚腩刺身軟滑無筋,富魚香一點也不像平時去放題食的橡膠質感。

而劍魚腩刺身更加係水準之上,油香滿滿的口感十分誘人😍。
But高處未算高這條深海池魚更神,色澤亮麗的魚肉質感富彈性,味道超鮮甜我哋四口子足足吃了接近40片有多呢!😜
而這款泰式天使蝦味道都不錯,蝦肉亦都好爽口不過如果醬汁可以辣多一點,我相信應該更合我胃口。
壽司方面點了黑松露油甘魚壽司帶點點黑松露香氣將成件升級,而壽司飯軟糯不散溫度亦恰好,池魚王壽司當然鮮甜好吃啦,而北海道赤鯛壽司車爸爸話魚肉好扎實,魚味不俗呀,而火炙壽司我選了火炙原條穴子壽司,身型修長的穴子配上香甜鰻魚汁那會不好吃呢,而車爸爸就吃他愛的火炙胡麻左口魚邊壽司。
另外還點了三文魚腩壽司,香芒燕窩大蝦壽司,這兩件已落入車爸爸肚中,而黑松露牡丹蝦壽司軟糯甜美好好吃喔!
至於手卷我當然選海膽啦!第一次在放題吃到脆口紫菜抵讚,而海膽係好有鮮味的,少巧的一卷亦不會佔太多位置推介大家要試👍。
吃完一輪前菜,刺身和壽司後到吃熱食了,先來鐵板帆立貝用上燒汁煮成,香濃惹味,熟度剛好吃下軟淋不韌,Size剛好一口一粒吃得暢快。
這個台式肉燥花蟹就麻麻哋了,肉燥跟蟹未能好好打交道。
我發現滿屋的海鮮類用料真的不俗,尤其係海蝦像這個鹽燒海蝦,肉質扎實又富鮮味,令人吃完一枝又一枝。
估不到連小炒也到位這桂花蚌炒蒜芯,有鑊氣外味道更是出色,桂花蚌爽脆,蒜芯清甜無渣好有功架呢💪!

可惜天婦羅蝦,海鰻天婦羅都太厚粉了,少了素顏的清脆!😟
燒有機蕃薯,秋葵兩款都係我喜愛之物,健康又好味道當然要多吃啦。


當然還有我最喜歡的燒有機菠蘿🍍,我那會放過它呢!香甜多汁的燒菠蘿真的百吃不厭呀!
芝麻雞翼亦是我心水推介,雞翼炸得恰到好處,內裡雞肉入味,迷人至極喔🐥!而這裡還有榴槤炸彈供應啱晒我跟車婆婆兩位榴槤迷,成品熱烘香脆榴槤餡香而不漏,我跟車婆婆吃得好滿意😊。
最後整碗熱辣辣的烏冬,木魚味道很濃香可惜過鹹了些,可幸烏冬質素煙韌好吃補回一功。
到甜品時間了車爸爸唧了杯💩給我吃,軟雪糕質地較麻甩,不過朱古力味也算濃,可惜口感一般。
另外今天清純點一面倒選了白雪雪的甜品,益力多乳酸味道酸微微啱晒吃到飽飽的朋友仔,而雪糕糯米糍係芝麻味聊勝於無啦!最美味係紅豆卷,外皮煙韌軟糯,包裹著香甜不漏的紅豆蓉,好吃非常連平時好忍口的車婆婆也忍不住連吃兩件呢😋。

留言

張貼留言

熱門文章