13 1月, 2017

潮聚

2017年已悄悄降臨差不多兩星期了,車媽媽仍是沒完沒了忙碌非常,不過再忙也好跟好友聚頭總會唧得出時間來的,在1月5號晚便相約一班好友到百樂小館來一場潮聚😊。
位於尖沙咀美麗華商場的百樂小館,我覺得在這區能夠有這樣質素而且價錢又超值的潮州菜館真是十分難得,所以這次飯聚都揀咗來這吃。
最喜歡潮州的鹹菜吃完一件再喝一口功夫茶☕,那份滋味非筆墨可以形容啊~


有邪惡朋友喺度當然第一樣要食客邪惡的{滷水鵝肝}$180,脹卜卜的鵝肝吃落粉嫩不乾,那份甘香好吃到不得了,而且墊底的鹵水豆腐更加是入味嫩滑,邪惡但係真的好好吃喔!膽固醇麻煩你迴避一會吧😁。
{鹵水骨香鵝肉片}$148,鵝片肉質彈牙皮下脂肪不多,而滷水香氣十足,且不會過鹹,而帶骨的鵝件更加入味酥香好吃。
{潮式蘿蔔灌漿}$48還記得上一趟跟車爸爸來吃他一個人吃了三件,大家可想而知有多好吃,輕薄的炸醬包裹著清甜蘿蔔絲,只能夠問句怎能做得咁那麼出色,而且仲係賣咁平嘅價錢真的十分超值😍。
{龍鬚子母中蝦}$48/隻,這個絕對係手工菜,麵條炸得鬆脆不油膩,包上大大隻中蝦,成件事都好靚仔,但如果蝦肉再能鮮甜彈牙多些就更加吸引了!


{臘味炒荷蘭豆}$98,這茶車媽媽在家經常會自煮,荷蘭豆爽脆可口,臘肉軟淋唔會硬掘掘,不過臘腸我就覺得重口味咗丁點了。
{蘿蔔絲煨飯}$168,第一次炒飯見有蘿蔔絲,口感係頗特別,不過就唔係我杯茶囉!
潮州菜論甜品首選當然係{福果芋泥},香滑幼細的芋泥充滿豬油香氣,但絕冇肥膩感覺真的十分好吃,每一次見呢班朋友都會爆肚而歸實,在太滿足又開心喇,期待下次再聚😚。

4 則留言:

  1. 紫色新版面好靚好襯妳呢~~~

    回覆刪除
  2. 呢間食物真係好啱口味呀,要“記錄在案”,下次返嚟要試下。^^

    回覆刪除