重溫美味

十多年前已光顧過這間靚煲皇不過就在同區另一位置,依稀記得那露天風味挺不錯,早前夏天去心夜來潮晚飯時始發現它搬了在隔鄰,心裏默默記著冬天要來重溫滋味,這天終於約到好友相伴圍爐團年🍲。
新店內裡座位不多,慶幸門外可放檯凳帶出以往風味,入店前鼻子忽然聞到清新花香,原來花糟內種滿百合花🌺,但車媽媽怕煙味太強最終還是坐回室內吧!


每次吃炸花生總令我想起爸爸教我的特別食法,就是將炸花生放入可口可樂中,那份鹹甜滋味便是我的童年最快樂回憶。
臨近新年餐廳更供應撈起意頭菜,色彩有繽紛內裏有清爽青瓜絲,芬香可口的煙火腿🍗,還有爽甜甘筍絲以及我好喜歡的中華沙律,再配合數隻爽口彈牙大海蝦🍤,十分之鋒成呢
將所有美味材料跟芥末沙律醬撈勻後便可吃盡意頭,那個芥末沙律汁清香可口,而且不攻鼻味道好溫柔呢。
吃罷意頭菜撈起後當然要混番個靚醬預備去吃美味火鍋啦!
重口味的車媽媽梗係要勁多蒜蓉勁多辣椒先至合心意喔!
醃尖腥悶的我對於火鍋湯底零舍有要求,不過靚煲皇絕對能夠合乎我要求啦!因為餐廳內有近二十種嘅火鍋湯底以供選擇,而我今日就揀咗{花膠海參靚雞煲}🐥$248,齋睇樣已經夠曬殺食了吧!
煲內有不少原隻花膠筒以及爽口豬婆參在內,而且還配合一件冬瓜環及不少香甜粟米,所以湯底清香又滋潤。

而這個花膠海參雞煲會跟上半隻鮮雞,雞肉色澤鮮明,吃下肉質嫩滑,帶有雞香,皮下脂肪唔多吃下不會好油膩。
至於打邊爐生料我哋叫咗{炸響鈴}$48,響鈴輕身不油膩,輕輕一灼吃下 豆味香濃,索曬湯的鮮甜味,質素十分不俗啊~
喜歡食餃子的車媽媽就揀咗{雙拼餃子}$48,選擇咗鮮蝦雲吞以及鳳城水餃 ,鮮蝦雲吞內餡好彈牙而且好足料,水餃感覺較為港式,如果多D木耳絲及筍絲在內應該會更加好吃!
好友們的{手切本地肥牛}🐂$198(小),牛肉當然要交比我最好嘅朋友食晒佢啦haha~
而邪惡的我當然要揀一啲魔鬼美食啦👿!
{肥鵝腸}$88,看見鵝腸帶有肥膏蠻開心呢!吃下來口感是爽脆,不過肥香未夠濃郁啊~
壯健的{美國桶蠔}$168,體型巨大入口幾嫩滑,亦都富蠔味,夠新鮮唔錯啦!
{手打墨魚滑}$78灼熟後墨魚滑質地十分之彈牙,倘若墨魚味道再強多一點那便更加美味了!
店家十分貼心除咗有Wi-Fi供應外還在每張枱下設有USB插座,真係十分之細心好切合香港人的需要這點十分值得一讚👍。


留言

  1. 今晚又可以一齊盆菜+火鍋啦!!!

    回覆刪除
  2. 謝謝妳的專業評論貼文!

    回覆刪除
  3. 有鵝腸嘅火鍋特別完美!

    雲吞同水餃之中,車媽媽平常鍾意邊樣多d架?

    回覆刪除
    回覆
    1. 鵝腸真係好邪惡又美味!兩者中我愛水餃多D。

      刪除
  4. 水餃真係多木耳絲同筍絲至好食

    回覆刪除
    回覆
    1. 我好記得細時食嘅水餃有好多木耳絲同筍絲好好味架!

      刪除

張貼留言

熱門文章