17 2月, 2017

平價優質粉麵之選

星期日在外家陪車婆婆,公公打先麻雀後🀀🀁🀂🀃,便到獸醫處聽車車的心臟及腹腔報告,出來的情況不算太差,都是一般老狗退化的徵狀,如心臟的二尖瓣開合有問題引致血液倒流,十二指腸不平滑引至偏瘦易肚屙及嘔吐,腎臟皮質層增厚兼有水泡,不過這些都可以用藥物控制減慢退化的情況。
聽罷報告心情放鬆了不少給寶貝仔取了藥物後,便到華潤堂買醫生介紹的{金匱腎氣丸}給車車補腎,笑話便由始起了,話說此丸250粒一樽買兩樽有8折,車車每天吃一粒便夠,換言之可吃8個月之久我覺得不須買兩樽,此時車爸爸彈句:人都食得吖嘛多買何妨!這刻我跟售貨員小姐即時爆笑了!我問他有腎虧的跡象嗎?為何我不知呢哈哈哈........😅
笑罷便去找晚飯吃,不想吃太久的關係選了到潮成園手打魚蛋大王吃潮州粉麵,估不到這店滿有驚喜呢。
今次到車爸爸飲咸檸七跟粉麵+$12,不過這兒跟雪碧唔係跟七喜,總係覺得差少少呢!
我就要了杯凍檸茶跟粉麵+$7,茶色清澈檸檬夠香須茶味不算很濃但已收貨有餘 。
另外加$8還可以有一碟油菜🌿,車爸爸揀咗生菜喜歡它們用唐生菜而非西生菜,看得出少油但蠔油大慷慨了吧!
這碗係車爸爸的魚蛋河$20超級抵食,而且魚蛋的質素不差,有魚味得來咬落去質感夠爽彈,不會有跣牙的口感我喜歡吃喔!
我聽到車車沒大礙即時胃口大開呢!要點雙拼賀一賀佢,我揀咗牛筋配韭菜餃米$30,牛筋炆得夠淋滑又入味水準很不俗,另外韭菜餃餡料十分豐足,菜多肉少這正正我最愛的比例,而且餃皮都好爽滑,絕對係上佳之作,這間粉麵店抵食得來係有水準我覺得絕對可以多多去幫襯👍。

4 則留言:

  1. 車車無大問題,車媽媽都可以鬆口氣啦!難怪車爸爸都要講個笑話氹下妳呢!

    碗魚蛋河真係抵食夾大件呀!

    回覆刪除
    回覆
    1. 最開心車車沒大礙確實輕鬆不少!

      刪除
  2. 車車同車爸爸齊齊進補,哈哈

    回覆刪除