我的神乎其技

好耐冇跟大家見面今日我羅車車要為大家表演{神乎其技}，看我如何整蠱車媽媽啦haha😂，其實由年頭例行身體檢查發現我尿素超高，來來回回的檢查都未能確定問題所在，攪到車爸媽好擔心又傷心！

這天搭車時還開心到爆，原來這天又要返吳醫生道照心臟及腹腔，可惜我太緊張未能配合，最後要打鎮靜劑💉才能順利進行！

正因為打了懵仔針所以車媽媽決定帶我這不會吠的懵仔搭巴士回家🚌 ，幫她們慳返$150💰。

看我回到家仲係超懵懂連企都企唔穩呢😵，好彩有知我心意的車媽媽服侍我去VV，到第二天我已經恢復得八八九九，不用再辛苦她服侍我我了！

報告出來原來係我心臟💓，腎臟都有退化跡象，話晒16歲骨頭脆吖嘛！ 

不過經反覆檢查後大致知道要食咩藥可幫助減慢我老化速度💊，希望我可以叻叻陪伴車爸媽多點時間啦！