簡單快樂的情人節晚餐

首先要介紹一下清曬村姑送給我的韓國蘿蔔,雖然今年成長得不是十分理想但都好感謝她的心意🙇。
我用大地魚淆了一個上湯用來餵煮蘿蔔,然後再加入魚滑就煮出這個蘿蔔魚肉湯🍲。


好耐冇食邪惡而美味的臘腸了,車爸爸忽然間好想食咁就蒸一孖佢嘆下啦!
另外蒸了一條鹹柑桔烏頭🍋🐟,除咗用鹹檸檬,鮮檸檬蒸外其實用鹹柑桔亦都有異曲同工之妙,而且對喉嚨仲好好添。
另一餐就簡簡單單做了一個獅子頭及瑤柱蒸蛋,過年吃得兇狠呢餐清清哋都幾唔錯呀!
到情人節💏的夜晚車爸爸不知收工時間最安全當然係屋企食啦。
蒜蓉包🍞配忌廉湯🍲,一下唔覺意焗燶咗少少好彩都食得到啫。
車爸爸這件係澳洲和牛西冷扒🐂,肉質夠滑絕不鞋口,而且牛肉味十分足,這是車爸爸的評語,另外搭多幾隻大蝦和炒蘆筍椰菜🌿來增添豐富原素。
而我就吃西班牙黑豚豬鞍🐷第一次試這隻豬鞍,我覺得肉質唔算十分濃香唔係我喜歡的,不過冇所謂只要食得開心食咩都一樣啦💕。
最後一家三口攪攪震影番張合照先,車車🐶永遠都係被逼做雞咁樣真係好攪笑囉😆!
吃剩了蒜蓉包怎麼辦?最好梗係用嚟點咖哩食埋佢啦!所以第二日我就煮個咖哩雞🐥用來配蒜蓉包,這組合簡直像四爺跟若曦般相親喔!



留言

  1. 車媽媽係百分百好老婆!我留意到好耐,妳從來唔會因為自己唔食牛而唔煎靚靚牛扒俾車爸爸食,俾著我,一定唔會咁好心機煎兩款扒啫。^^"

    回覆刪除
    回覆
    1. 又唔可以自己唔食攪到佢冇得食嘅!其實煎竟牛扒我唔敢聞自己隻手架哈哈!

      刪除
  2. 四爺跟若曦!!!!
    係咪特登寫來刺激我架? XD

    回覆刪除

張貼留言

熱門文章