愜意W

講起W在大家心中會想起什麼?喺我心目中一定係一個好好的英文字,因為我第一時間就會諗起Well,另外還令我想起型格酒店W Hotel🏨,上星期六便跟一班好友到Woobar嘆咗一個超級無敵抵食,兼高質的下午茶自助餐,大家帶定口水肩先好睇落去呀!
一踏入餐廳便給這幅閃爍的裝飾吸引著我,高樓底的餐廳永遠給人感覺格外舒適,加上這天食下午茶有自然光透進就更加心曠神怡,車媽媽即時胃口大開喔😋!
先送上一幅飲食地圖大合照給大家解饞,然後就帶大家行一個圈睇下有啲咩正野食啦!
鹹點區由左起介紹黃金炸大蝦🍤,雜菌脆炸春卷🍄,黃金蘿蔔糕,芝士春卷,叉燒酥,前排的是南瓜雜菌蛋批以及龍蝦蘆筍脆雲吞等。
另外這個冰鎮鮑魚賣相精美又矜貴,而且真的美味萬分,連平常不喜歡吃鮑魚的我也吃了三隻才肯收口呢😋!


另外還有賣相美麗到不行的北京烤鴨配魚子醬。


鮮甜好吃的煙三文魚多士。
紅菜頭鷹嘴豆泥沙律。
當然唔少得我最愛的風乾火腿🍖,入口軟熟鹹香細膩,那天我吃了超多碟好滿足呢!


這盆的式小花係黑松露辣雞肉鵝肝脆筒,賣相真的十分別緻,可惜有鵝肝所以我冇試到呢!
帶有薑味的蕎麥麵入口都幾清爽好吃㗎!
下午茶自助餐還有兩款任飲飲品,包括左手邊用冧酒薄荷溝出嚟的粉紅西柚特飲🍸,而我就試了冇酒精的是芒果熱情果特飲,入口唔會太甜味道超香好好味呢。
而甜方面亦都十分多選擇,賣相超靚之餘多款的味道亦很佳,先介紹有意頭十足的炮杖造型朱古力。
大吉大利的白朱古力啫喱大吉🍊。
仲有七彩繽紛的冬甩,香滑綠茶黑芝麻蛋糕,栗子熱情果朱古力蛋糕及新鮮生果杯,朱古力杯及西米熱情果。








另外還有各式精緻小巧的Cupcake,仲有我最愛的馬卡龍呢。




焦糖慕斯梨及迷你的式可愛泡芙,拖肥香蕉以及生果撻,全都味道十分不俗㗎。






還有即場堂製的香脆窩夫,當然仲有下午茶必備的鬆餅啦!


為咗農曆新年而設的主題{咯聲報喜下午茶自助餐}$330/位,只係做到2月28日咋!不過之後還會逢星期六,日及公眾假期,都會有下午茶自助餐,只不過冇咗那些賀年的特別點心啫。
喜歡飲番杯酒亦可以加$100便可享受到一杯清香可口的香檳,飲埋香檳成個感覺真係爽到不行喔😘!




介紹完美食後係時候餵飽我空虛的肚子了!
這個冰鎮鮑魚做得十分入味,而且鮑魚質感夠腍滑之餘煙韌又彈牙,真的十分誘人,平時車媽媽唔太喜歡食鮑魚的,但係與那天我忍不了口吃了三粒那麼多啊~
龍蝦蘆筍脆雲吞外皮香脆,龍蝦爽甜彈牙,加上XO醬的惹味吃一件絕不夠喉。 
這個黃金大蝦麵線炸得外層酥脆香口,咬下鬆化可口,內裏嘅大蝦則鮮甜彈牙,好吸引呢!
煙三文魚味道鹹香肉質富彈性,喜歡吃三文魚的朋友切勿走寶呀!
鬆餅個子都挺大,加上忌廉及果醬,從來亦是迷人之物。
這一件可愛的小桔甜點其實係白朱古力包裹著啫喱,內餡口感煙韌咬口十分不俗,而且唔會過甜。
朱古力杯味道都頗香濃,不過一杯都幾多,跟好友分著吃就更加開心啦!
窩夫即製熱哄哄的,加上果醬,朱古力醬及忌廉,永遠都係咁迷人的甜品。
吃得十分之滿足的車媽媽最後點了杯凍熱情果茶來消消滯,這杯茶味道好香甜,帶上酸香的新鮮熱情果,喝下真的清香怡人。
坐到日落西山幾乎不捨得離開的我們,見到靚仔DJ到場開工,才依依不捨哋離開,要搵晚來捧捧場飲番杯先得。

留言

  1. 作者已經移除這則留言。

    回覆刪除
    回覆
    1. 真係好難相信咁多食物竟然係下午茶,太正啦!搞到我都心思思,好想放肆咁食餐任食呀!

      刪除
    2. 這下午茶真的太讚了!

      刪除
  2. 食完依餐,返去餐開年飯真係完全食唔落...!! ^_^"

    回覆刪除

張貼留言

熱門文章