性價比高的à la minute

第三天介紹自助餐了唔怕肥嘅可以繼續睇落去呀😅à la minute意思即係Cook To Order顧名思義係即叫即做咁解,而Mr. Steak Buffet à la minute便是用想這種概念推出了自助餐,這夜便約埋一眾院友去開餐


自助晚餐星期一至日成人$568/小童$298吃足2.5小時,如果想抵食D吃早場價錢亦都只不過係$4XX多一位,而且只要在餐廳的社交網站讚好後還有四送一的優惠呢!
這天我們一眾院友被安排到近窗邊的位置進餐,雖然這幾天潮濕大霧但矇矓的香港夜景又別有一番韻味🌃!
先為大家介紹就係即燒的海鮮Station,內裏包括有即烤鮑魚,生蠔,大蝦 及鮮甜大蜆,這個絕對不容錯過因為所有海鮮都十分新鮮,而且燒得恰好質素甚高。




刺身方面質素亦都超卓非常,淨係原粒大大隻的北海道帶子已狠狠俘虜我心了💘!當然還少不了港人喜愛的壽司和卷物🍣供應。


而凍海鮮的陣容亦十分之強大,看有很多靚靚靚雪場蟹腳向我招手喔!
接下來還有肥美肉厚的半殼青口,和新鮮彈牙的海蝦🍤。


還有超大隻爆膏的麵包蟹和龍蝦,要一提佢哋嘅補給情況十分之迅速👍,唔會有爭吃場面出現,大家可以放心慢慢食。
沙律及前菜🌿Station亦都十分之豐富,而且全都新鮮又靚仔。
我最愛嘅紅菜頭沙律,火腿粟米沙律以及煙鴨胸沙律,質素亦都十分之高。




小杯的惹味前菜也有數款選擇,另外當然唔少得鮮味的煙三文魚🐟!仲有我最愛的風乾火腿🍖及各式各樣的凍肉,還有和風日式冷麵供應添。






而芝士拼盤有四款選擇,款式仲十分特別呢!
最有特色係這個芒果蜜瓜芝士,另外還有合桃芝士,金文畢芝士以及牛乳芝士,全部都香濃好味道。
而我就睇中這三款糖水生果,有荔枝,黃梅果以及龍眼。
沙律區亦都陣容龐大,除了有自製凱撒沙律🍀,還有不少新鮮的沙律菜及醬汁給客人自己Mix & Match。


飲品方面有咖啡同紅茶🍵供應,另外仲有冰紅茶以及蘋果汁,這夜我足足飲了四杯凍檸茶那麼多呢😜!

湯品方面有兩款第一款係中式的黨參蓮子圓肉響螺燉湯,另外西式係酥皮海鮮忌廉湯,兩款都超有水準㗎!


到熱食區的即煮系列包括有壽喜燒,用上佐賀和牛🐂炮製吃得車爸爸十分滿足喔!




另外還有火炙佐賀和牛壽司🍣,當然唔少得還有燒牛肉啦。




另外還有鐵板燒區亦都有供應佐賀和牛粒,羊架以及即煎的香口鵝肝,真係好邪惡呀👿!






輪到中式的熱辣美食,選擇亦都十分之多喎!
花膠冬菇時蔬🍄🌿,蒸海蝦🍤,辣酒煮花螺🐚,鴨掌炆冬菇,清蒸大元貝,黑椒牛仔骨🐂,清蒸比目魚🐟還有蒜子娃娃菜🌿,夠豐富夠滿足了吧!














講到飽肚食物便有西式的Carbonara🍝,同埋中式的鴛鴦炒飯可選🍛。


連豬腳薑都有埋你都咪話唔服啊~
另外咖哩區亦都有幾款選擇,例如係泰式紅咖哩雞🐔,馬來西亞咖哩牛腩🐂,以及泰式青咖哩雞,味道還挺不錯呢。




不過講到甜品呢度真係無敵喇!淨係這一個傳情達意的Counter已經好有心思,這裏有一位甜品師不停地為客人傳情達意,將我哋想表示的心意畫在心型💜碟上,配合一件心太軟就可以送比您的朋友👭👬,愛人💏及家人👪。




另外雪糕方面亦都驚喜萬分,這兒提供十多款Movenpick雪糕🍦🍧🍨,您話點算好呀!
還不夠呀另外仲有Haagen-Daza杯裝雪糕同雪糕批供應添!問您哋死未😓。
另外一入餐廳已見到這個甜品Corner,怕肥的朋友真的要定力十足喔👊!
數十款精美的蛋糕甜點活現眼前👀,有選擇困難症的朋友好真係好大件事!
























 特別介紹這個3.6牛乳布甸🍮,香滑迷人好吃到不得了😍!
介紹完咁多精美吸引的食物,到我哋一眾院友開餐喇!瘋狂哋影相然後大家就瘋狂咁去食啦哈哈哈.....😆😆😆。
食自助餐最好都係吃咗沙律同生果打打底先,希望陣間可以不用吃得太過兇吧!!
大家見到這麵包蟹有多爆膏嗎!好彩我哋人多大家一人一D分享咗佢,這兒的麵包蟹膏身好鬆軟又香口絕對係靚貨。
而開邊龍蝦亦都隻隻帶有紅膏,肉質不會太過乾身,吃下味道亦都富鮮味。
另外雪場蟹腳亦都係好新鮮,入口充滿海水的味道不過鹹咗少少😛!


而這個海鮮杯則十分醒胃,內裏全部都係新鮮的海鮮,加上少少酸香汁醬好味道喔。
刺身質素很不錯尤其係章紅和帶子鮮甜到 一個點呀👍。
而我就比較喜歡中式燉湯味道好香濃,不過就沒有調味,自己加少少鹽味道就出來了。
燒海鮮基本上樣樣都咁好食,尤其是以生蠔最為出色,唔會燒到乾身吃下還十分多汁呢,另外燒鮑魚都係水準之作新鮮軟滑口感很好。




喜歡吃芝士的我們當然不會放過這兒的芝士拼盤,哪個芒果蜜瓜芝士真係好過癮,口感吃下較似芝士蛋糕多過芝士囉!
熱食方面每樣都有不錯的表現,咖哩更係我颇喜歡的品。


車爸爸也十分讚賞這兒的和牛粒和鵝肝呢。
食到半路中途爐兄忽然攞咗兩件片皮鴨返嚟,但係佢見到個形狀好似春捲咁好得意,食落口質感又很對版,而且味道都幾出色㗎。
呢D飽肚嘢好似冇乜人睬佢咁好陰公😞好啦等我幫襯吓佢先,估不到幾有驚喜喎我好少自助餐會食到有咁好質素的Carbonara呢🍝!
我古古惑惑的走去叫甜品師寫了這個送給我的院友們👭👬,希望大家都身體健康💪,長食長有😋。


接下來便是甜品時間,我哋成班傻的人每樣都攞D返嚟一齊開心Share。


大家一定一定一定要食呢個北海道3.6牛乳布丁🐄🍮真係好又滑好香㗎!!
有士多啤梨神偷在難得我都可以偷到一粒士多啤梨🍓,簡直係得到上天的眷顧啊~
而豆腐花都尚算幾嫩滑,可惜珠玉在前比起牛乳布甸就真係差好多了!

留言

張貼留言

熱門文章