20 3月, 2017

星級體驗

好似好耐冇跟車爸爸二人世界拍拖食飯喇👫!趁著這夜在香港區附近便等車爸爸收工然後去拍拖食飯啦,就他方便選了到西環的Miss Saigon Vietnamese Cuisine吃越南菜。

內裏的格調十分富現代感,樓底特高坐位亦舒適非常,另外要一提這兒服務絕對比到我星級的體驗,不論經理至侍應生全部都招呼週到,而且更是有酒店級的水準,所以這晚我倆吃得十分之滿意👍。
吃越南餐有我最愛的梳打飲品這兒選擇特多足足有9款梳打呢!搞到冇選擇困難症的車媽媽都有啲抓頭😝。
最後我選了薄荷蘋果青檸梳打🍹$32味道帶清清的蘋果香氣🍏,喝下去挺舒服但薄荷味就唔算太過特出
而且爸爸則選了最基本的青檸梳打$26聽聞質素係正常。
率先上檯的小食是{越式釀蟹蓋}🦀$78/兩件,蟹蓋脹卜卜好豐滿看下去十分誘人呢。
金黃香脆的蟹蓋內裝著的不是平常吃到軟滑的蟹肉餡,而是充滿彈性蝦蟹餡吃下去口感十分彈牙,蟹味唔算太重反而蝦味更加搶鏡,我覺得這個蟹蓋如果叫作海鮮蟹蓋就更加貼切了。
而越式米紙卷我們則選了{芝士牛油果酥炸珍寶軟殼蟹米紙卷}$78,另配上祕制醬汁。
米紙卷內裏色彩斑斕加上炸得酥香不油膩的珍寶軟殼蟹,咬下去口感十足 感覺清新味道惹味,這個更是我跟車爸爸這晚的心水美食呢😋。


而我就最愛食雞絲粉無論係泰式,越式通通走唔過我咀嘴巴,這兒的雞絲湯河粉🍜$68份量超級激大,足足分到五個湯碗仔咁多😱而且雞皮更足料非常。
這兒的湯底是香茅南薑雞湯喝下去味道頗香甜,雞絲入口滑溜帶肉香,配合越南芫茜及生洋蔥香氣撲鼻,河粉吃下亦滑溜非常加入指天椒及青檸同吃更是如虎添翼,車媽媽挺喜歡這兒的出品呀😋。
跟黑洞老公去拍拖食飯都係點多客飽肚的{原個椰青雞肉焗飯}$98,佢應該會滿足啲囉😂!
椰青焗飯一上檯香氣滿溢,頂爆的椰青造型令飽飽的我都好想試呢!
吃下去飯粒軟硬剛好,椰汁醬料充滿耶香清甜迷人,加上嫩滑的雞肉吃下去確是十分好味道,我吃了一碗仔後全數由車爸爸將之殲滅,我老公真係好犀利呀😝!

6 則留言:

  1. 呢間餐廳嘅食物份量好似美式食物咁大大碟,好在有車爸爸坐鎮清碟,拍拖更吃飯真好!

    回覆刪除
  2. 回覆
    1. 味道清香好吃好易不覺吃好多!

      刪除
  3. 椰青焗飯我都想食呀!

    回覆刪除
    回覆
    1. 去食啦係遠DD但抵食又好味道!

      刪除