28 3月, 2017

矜貴羅家飯

隨著車媽媽越來越多飯局後羅家飯確是變得矜貴,不過在我出去開心吃盡美食的同時也不會忘記辛勞的車爸爸,盡量整定一些餸菜給他或者我早過他回家便會整碟豐富的碟頭飯過去嘆吓。
                        
這碟是用上清麗村姑送我的金菜頭,加上美味肥牛再為它冠上帽子,最後配合自家製的鰻魚汁,已教車爸爸吃得十分滿意噢!
另外這兩抽珍珠提就是他的飯後果,真係好耐都冇食過這款珍珠提,又香又甜又好吃呢。
這一天終於在家乖乖煮飯,所以就清清地清蒸獅頭魚及白灼菜心吧!
這款獅頭魚認真矜貴這一碟已經要100個大洋,道種魚型身少少的但係魚肉就十分鮮甜嫩滑,有時有錢都未必買到來吃呀!
這時候的菜心還很淋甜仲食得過,不過嚟緊都應該要食瓜喇!
有時間中我自己在家唔想出去食就會整碟頭飯比自己嘆吓,最愛煮餐肉太陽蛋飯再加埋自家製鰻魚汁,一個人的浪漫其實都好唔錯耶。
這一天就乖乖的煲了啖湯給車爸爸睇喝,粉葛鯪魚煲赤小豆去骨火一流,整多個鹹魚蒸肉餅和灼鶴藪簡單味美的一餐。
粉葛鯪魚湯煲得好濃稠好鮮甜,車爸爸竟然一晚就飲曬光光一煲,看見他那麼喜歡喝真的十分開心呢。


咸魚蒸肉餅都係好家常的菜,最緊要就係手剁肉餅這點真的很重要㗎!買肉碎蒸出來的肉餅完全冇口感可言的,鹹魚我就喜歡吃梅香寧舍甘香好吃的吊出肉餅神韻來。
最後鶴藪都十分淋甜,配少許蠔油已經十分好吃,希望嚟緊可以抽多少少時間煮飯畀車爸爸食啦!佢實在太好了毫無怨言搞到我好鬼慚愧呢!

8 則留言:

  1. 嘩!好豐富喎、而家d狮头魚越賣越貴、舊年至96蚊斤、今年要115、鬼咩、魚檔老板話人地人仔200蚊都買、唉!我地d死窮鬼又可以点吖。

    回覆刪除
  2. 好耐無食羅家飯啦,點算先???

    回覆刪除
  3. 碟魚真係一d都唔平喎,價錢夠我地買到隻1.5磅嘅游水龍蝦啦。

    回覆刪除
  4. 妳又真係好多飯局呢,車爸爸又無炸型,得閒煮飯真係要整多啲正嘢過佢食

    回覆刪除
    回覆
    1. 係啦!今晚乖喇煮梅菜扣肉佢嘆!

      刪除