25 3月, 2017

Bovini🐂

跟好友劉總十九幾日沒見面了,知道大坑開咗間新的Bovini Steakhouse & Bar當然要約牛魔王去試下啦!

餐廳位於大坑銅鑼灣道非常易找,這店除了扒房亦是酒吧所以坐位都較為輕鬆舒適作主導。


簡簡單單點3個Course Dinner Set$799 For Two,唔洗左揀右揀快靚正呀!
先上檯的是熱辣辣自家製蒜蓉麵包,烘至香脆內抹上惹味的蒜蓉香氣撲鼻。


前菜有兩款選擇就全選兩款吧!後方的是自家製蟹餅,而前方的是凱撒沙律。
凱撒沙律用玻璃器皿盛載賣相頗精緻,沙律菜亦夠新鮮爽脆,但我就更喜歡那煙肉條做得很香脆可口呢!
另一份的自家製蟹餅就更加出色,個子不少的蟹餅煎得外層酥香,內裡軟綿。
切開蟹餅內裏充滿絲絲的蟹肉,混入什椒等蔬菜吃下去先蠻鮮甜。
餐湯方面亦有兩款選擇,包括野菌忌廉湯和龍蝦湯,而我就選擇咗後者。
龍蝦湯也挺濃稠味道也頗鮮濃,內裏還有不少龍蝦肉都幾足料㗎!
劉總的蘑菇湯質素更佳,湯身熱燙兼菌香十足,大家有冇發現這兒的餐湯全都十分大碗呢!
套餐內可選一個Main Course我當然要顧及愛吃牛的好友,所以就揀咗主菜的牛肉奉獻給他,而我呢另點一個主菜Black Cod with Clams$288給自己。
黑鱈魚頗為滑溜是我喜愛的質感,但略嫌魚皮未夠香脆,而那個牛油汁配合黑鱈魚同吃也挺合拍。
這份便是劉總的USDA Prime Grade New York Strip Loin  14oz,一上檯我什麼也看不見,只見那隻牛型的脆餅在吃草的裝飾好卡娃依,唔好以為佢得個樣呀!食落去牛牛個頭都幾好味㗎!
聽牛魔王的品評牛肉質素確不俗,不過14安士對佢嚟講確實是一個大考驗啊haha~
Side Dish點了炒蘑菇煮得幾乾身唔會水汪汪,而且吃落也香口沒帶噏味。
雖然大家都吃得很飽但係唔食甜品又點算吃過飯呢!最後加咗$100點了這個4.5吋大的心太軟。
心太軟切開流心程度唔算太澎湃,吃下蛋糕偏軟熟朱古力味都頗濃,最正當然是自家製的雲呢拿雪糕,附有不少雲呢拿籽足料非常吃得我倆超滿足,係時候要諗足下次和劉總去那裏吃晚飯好呢?

4 則留言:

  1. 咁大件牛牛,一個人真係好難KO佢,應該即刻call多幾個朋友黎分享! :)

    回覆刪除
  2. 十九幾日無見,咁即刻平時妳都見得佢好密呢

    回覆刪除