02 4月, 2017

您夠多朋友嗎?

老老實實做咗幾十年人大家多朋友嗎?以前後生每一位能夠認識都可算是朋友貴多不貴精,到了我這個年紀朋友就變得貴精不貴多了,不過一講到食原來朋友多著數會更多呢!像這天我到薈景Congress Plus吃自助餐便是一個好好的例子。



餐廳現在推出了十分優惠的推廣,逢星期日至星期四成人$608/位,長者及小童$338/位,但係如果你能夠有6~18位竟然可以有高達75折的優惠,但如果你人緣冇咁好的話1~5位也有8折,以這樣的陣容{縱情.品味和風盛會}自助餐可以用這價錢去享用絕對係超值噢!
既然講到那麼超值當然要帶大家睇吓有啲咩好嘢食啦!一入到餐廳最養眼當然係這個凍海鮮陣啦。
有大大隻的紐西蘭鮑魚,翡翠螺,爆膏麵包蟹和新鮮龍蝦,還有紮實鮮甜的大海蝦及鱈場蟹腳。




日式美食方面有數款新鮮刺身,三文魚,吞拿,章紅,八爪魚,和精美的卷物及壽司。




但論到最愛便是這一客櫻花平政魚薄切,帶幽幽的櫻花香氣,魚質彈牙鮮味。
另外還有和風海鮮木瓜沙律及土佐昆布穴子豆腐。


前菜冷盤分別有煙三文魚,烤雜菜,風乾牛肉,德國 森林火腿和法國風乾火腿。






芝士區方面亦都十分多選擇,還有我最愛的蒜蓉芝士呢!簡直開心到我飛起呀!!
當然少不了新鮮的切件生果,每款都香甜又多汁,這夜真的吃下不少。
自助沙律區選擇亦十分之豐富,自己愛吃什麼便取什麼實在太幸福了!
如果冇乜心水亦可選擇巳調配好的日式紫薯沙律,樣貌跟味道也very good㗎。
還有這款十分特別的印式香蕉茄子沙律,芝士沙律,海草墨魚海蜇沙律,還有新鮮的生果沙律,總有一款合你心意吧!






睇完凍冰冰的美食後到帶大家去看看熱辣美食喇!竟然有我最愛的潮州粉果,個皮好爽滑而且大大粒爆晒餡,加點辣椒油一齊食實在太滋味了。
這個是上湯三文魚少少一碟的供應給客人衛生又企理!
不愛吃三文魚還有這個鱈魚柚子小鍋可以選擇呢。
大家如果喜歡吃漬物就唔好放過這一個Corner,漬蒜頭和牛蒡做得十分入味又爽口好好吃㗎!
還有清清哋的日式雜菜粥,喜歡澱粉質的朋友可喜了!
這一份磯煮鮑魚大跟係憑票換領每位一客,大家記住攞來品嚐,味道十分之不錯的。


繼續美食之旅另香蔥霸王雞,香口的XO醬炒蘿蔔糕還有嫩綠香口的翡翠炒花姿鳳片。




貌美香口的脆炸蘆筍紫菜蝦卷,還有這個清蒸上素都好吸引㗎。


但論到吸引當然是這個北京烤鴨啦看見也流口水呀!




而且還有堂煎鴨肝,喜歡邪惡美食的朋友絕對能滿足了吧!
燉湯方面今日係蓮藕綠豆煲唐排,喜歡西餐湯的當然有餐廳出名的海龍皇湯啦!仲要即叫即煮㖭大家記住要試呀!
講開肉食就唔好比佢停!燒牛肉,烤雞已經備就緒為一眾老饕作出犧牲。


雖然我不吃牛但這個吉列日本牛必定要推介比大家,聽到朋友吃下脆卜卜落落的聲音,加上粉嫩的肉質就知道係好嘢嚟啦。
另外還有原條陳皮蒸多寶魚,肉質挺嫩滑而且肉多骨少很愛歡迎呢。
胡椒炆豬軟骨煲一打開煲蓋香氣直搗腦袋好香啊~ 
還有喜歡吃咖哩的朋友亦有數款選擇哦,首先烤脆餅用來點咖哩最為絕配,仲要係即場製造喔!
印式燴羊肉免治,好像挺濃郁呢,還有天多利烤雞乾身惹味好吸引。


還有榴槤迷必試的榴槤炸彈,真係好鬼正㗎!聽聞係用D24榴槤作餡呢。
鬼佬油炸鬼土豆吉拿棒,好特別喎入面有薯仔都第一次見呢!
終於介紹完鹹點不過甜點更加吸引,看看餅櫃那色彩繽紛的蛋糕像向我拋眉弄眼般誘惑。


這夜大愛這個日式大福總共有三隻味道,包括芒果,抹茶以及朱古力,三隻都不能放過呀,另外還有迷你泡芙,以及紫薯撻全部都係精緻又好吃的甜點。


這個白玉紅豆糕外貌就真係好吸引,唔知味道又如何呢?
還有不少甜品都好有質素,例如北海道3.6牛奶布甸,迷你藍莓杯子蛋糕,青檸蘋果啫喱等等~
另外還有現場即製甜品,包括有銅鑼燒,心太軟,雞蛋仔等美食~
還有這個棒子法式燉蛋焦糖做得十分焦脆,而燉蛋亦滑捋捋好好味呢。
小杯子甜品有藍莓意大利奶凍,椰汁布甸,喜歡咖啡的可以試下炭燒咖啡啫喱。




講到重點當然係雪糕啦!餐廳會供應Dreyer's 以及Movenpick雪糕,心裡暗暗自喜呢。


大家影張大合照之後又係食好西的時候,講真每次來薈景吃自助餐我都基本上只能食到一半的美食!因為每一次吃到一半已經飽足非常,大家估我今次又能否殺戮全場呢?
這個自助餐還有紅,白餐酒,啤酒,氣水和果汁任食,何其美妙呢!

不過我相信呢個機會都好難了!淨係睇我遇藥沙律前菜頭盤吃罷飽左一半啦哈哈......但確實每樣都十分好吃,尤其是哪個紫薯沙律真係好食到一個點喔!
而芝士方面選擇十分之多我最愛當然就係蒜蓉芝士啦,那一夜我相信我吃了半盒之多呀!!
凍海鮮亦都十分精彩當中最正當然係麵包蟹蓋的橙紅甘香蟹膏,實在太美味可惜我沒有太多Quota能夠吃盡它,可幸朋友多一人吃一點沒那麼邪惡。
而雪場蟹腳亦都十分之有水準,蟹肉一梳梳的夠晒Juicy,整隻放入口吃十分過癮。


這兒的刺身壽司質素亦都算不錯呀!但我亦只係淺嚐一兩件便停口,如果唔係真吃不下其他美味食物喇!
這個鐵板大蝦絕不能錯過!大蝦燒得香濃惹味,肉質紮實鮮甜簡直係人間極品。
係時候出去換鮑魚喇!這個磯煮鮑魚大根做得十分清香入味,鮑魚好淋好滑但地不夠墊底的大根誘人,吸盡木魚香氣的蘿蔔又淋又甜真係好吃到尖叫呀!


這兒的北京烤鴨亦都係必食之選,入口時烤鴨件還是脆卜卜的,伴上烤鴨醬京,蔥果包裹軟熟的麼麼皮吃真有十分滋味啊~
坦白講去到熱食真係已經沒太多能耐了,只揀了我最喜歡的數款美食,例如我愛吃的潮州粉果,XO醬蘿蔔糕,陳皮蒸多寶魚及山椒鰻魚蒲燒串,實在是大滿足的一夜呢。
睇嚟呢個時候大家都要吃甜品了,看一看我朋友麵包超人那碟甜品就他真的好喜歡食甜品囉!
回過頭一看車媽媽這一碟就高下立見了!我只能夠吃這麼多但全部都係最精挑細選的甜品,因為我等佢食完成才問他心水推介,所以這一碟全部都係最美味好吃的,而我覺得最正的是那三個大福,尤其是朱古力味質感煙韌軟綿,吃下也不過甜好吃到癲喔!
而海鹽焦糖味的泡芙雖然質感有點點過淋但係味道亦係一絕的。
最後這個紫薯撻撻皮酥脆可口,紫薯蓉又香又甜吃得車媽媽十分愜意。

8 則留言:

  1. 基本上每次去會展都爆肚的...

    回覆刪除
  2. 我朋友唔多但好在蠢唔哂,會"mun"衫尾跟住車媽媽去食烤鴨,哈哈!

    回覆刪除
    回覆
    1. 咪講呢D!知心朋友難覓,重質不重量,像有妳這般有心的好友一位抵過十位啦!

      刪除