03 4月, 2017

辣的派對

辣局在千辛萬苦的情況下最終搞得成,而且當晚更有十一位辣/不辣友出席,好耐都未試過那麼熱鬧了!今次選了到麻辣派對進行。

一上到去麻辣派對門口真的哇一聲叫了出來!姣騰騰的紫色(I like it}裝潢加上西餐的格局,竟然是吃川菜的地方真的令人有點亂呀!






花俏的菜牌令人充滿期待,不知這兒的菜式會否像裝潢般那麼令人驚喜呢??
這枝被店方稱為{魔鬼辣椒粉}的東東像在跟我們挑機般,好好好待老娘稍後炮製係!
先介紹一下飲品這杯是好友的{凍蜜語水果茶}$35,味道清清香香對我來說不甚吸引,不過內裡的生果真係好新鮮。
好酸的我當然揀選這款{冰雪鮮檸C飲}$35,這個味道酸香醒神,入口十分清新很對我的胃口呀!
人未齊先點少許前菜熱身一番先!{鮮椒爽脆生腸}$78,這兒的菜式如沒有特別安排係會出中辣給客人,而我們就選擇某啲菜式轉成大刺激一吓,像這生腸便是其中一個大辣的菜式,生腸入口好爽脆辣味都算強勁但未到難以接受的地步,不過香氣我覺得可以再豐富一點!
{椒鹽鴨舌}$88大辣這個鴨舌面頭加上相信就係魔鬼辣椒粉,入口係苦辣的我唔覺得香口好味,辣度方面對我嚟講可以接受未到魔鬼程度,不過鴨舌就真係好唔掂喇!入口係淋霉的一點咬口也沒有真攞命。
這是我最愛吃的{川北涼粉}$48大辣,不過這兒的涼粉唔夠咬口,而辣的味道亦都只停在面層味層次不足不對我的口味!

{酸辣土豆絲}$68大辣,都唔明白酸辣土豆絲為何只得辣味沒酸味,一點也不好吃!!
{清炒萵筍}$78煮得清甜冇渣,鮮嫩爽口好吃非常。
{泡椒肥腸}$148這個肥腸就做得不錯,辣度香氣甚佳甘香的腸味很吸引,加上豬腸肥美又夠淋十分好吃,不過配菜中的魔芋我就唔係幾喜歡,做得不夠入味的東西擺在內怪怪的!
見泡椒肥腸質素唔錯所以另外再點多個辣子肥腸,可惜最後來錯了這個 {香辣肥腸}$148,可幸的是肥腸依舊甘香好吃 。
{歌樂山辣子雞}$138,雞丁都炸得夠乾身,可惜都係辣的香氣未夠出色。


整夜做得最好味是這個{山城回鍋肉}$78小辣,椰菜爽脆可口又夠味,腩肉不會乾柴好吸引,大家九秒九已經清碟了。
{乾煸四季豆}$68四季豆肥嘟嘟好飽滿,雖然唔算好乾身但整體嚟講都算合格啦。
這味{泡椒田雞}$158本應味道十分不錯,可惜用上的田雞太過瘦削了沒有口感可言!
{古法咕嚕肉}$78都要顧及一些唔食得太辣的朋友例如車爸爸!道咕嚕肉粉略厚但肉質不俗,最愛內裏有大大粒的爽口蕎頭加分不少。
水煮麻辣食得多見到這兒有這個{鮮椒味形江團魚}$168當然要一試啦!可惜的是江團魚肉霉淋沒鮮味毫無質感,而花椒的味道亦唔見得好出色真的令人失望!
{雞湯抄手}$48基本上係一嚿肉丸包著雲吞皮,完全唔覺得佢似抄手囉真大鑊!
呢杯貴花乜乜乜係餐廳送的甜品,入口滑嘟嘟但係就沒什桂花味聊勝於無吧!!坦白講這夜食物真的有點失望,可幸人整相聚增添不少快樂,好友真的要好好珍惜。

4 則留言:

  1. 下餐啦,按推算應該會有水準的了~~~

    回覆刪除
  2. 餐廳格局真係好西餐,而且太有“情調”(好黑),感覺好唔中(川)菜,哈哈!

    回覆刪除