輕鬆一會

由上星期五晚吃罷晚飯回家後車車身體出現了一些壞狀況,經歷數天的煎熬後總算暫時穩定下來了,但在往後的日子車媽媽也盡量只敢外出數小時,而這因此也推掉不少朋友的飯局謹此謝過他們的體諒!到星期一見車車的情況已穩定便應好友約到尖沙咀Espuma吃頓快飯,順便取好友給我淘的物件。




好友想吃西班牙菜就選了Espuma貪其就腳方便,而且食物不俗又經濟嘛。


大家也先來選喜愛的飲品,這是我的{自家製西柚冰茶}$48,味道很天然清香而且絕對唔會過甜,還有最重要的是沒有帶半點苦澀味,這點做得十分出色。
好友點的{招牌雜果冰沙}$45,如果你是喜歡幼滑質感的這杯就唔啱你喇!冰砂質感較粗獷富男兒氣,但以寫價錢及份量來計確實抵飲,而且味道都好香甜不假。


食物方面選了{海鮮西班牙炒飯}$138這是一人份量,如果人多的話可以點選二人份量都只不過係$398,但係坦白講一人份量其實我都覺得夠兩位女生食用了。
西班牙海鮮炒飯內裏有不少新鮮大蝦,青口以及魷魚材料也蠻豐富,另外飯粒則較為濕身沒多咬口,沒有我喜歡的米骨,但都充滿番紅花的香氣也算交足功課了!唯獨略嫌熱度未算太恰當這點就要改善一吓喇!
姍姍來遲的Tapas{烤蝦配芒果菠蘿莎莎多士}$88,賣相清新爽朗挑起食慾。
大蝦確實彈牙又鮮甜,莎莎醬其實可以再出色多一點,另外多士如果再香脆多些應該更討人歡心。
最後當然要給自己苦中一點甜吧!本來想試餐廳出色的窩夫,可惜但星期一的三款口味好友也不甚滿意,所以最後選了{焦糖流心焗蛋白}$78
一上檯給這個焦糖流心燉蛋白嚇親,原來分量係激大絕對要起碼二人才能KO它!
切開這個燉蛋白內裏有不少流心焦糖醬緩緩流出,蛋白做得鬆軟輕盈又可口,但甜度就相對頗高,另外焦糖醬亦都做得甘香,內裡還藏有一件海綿蛋糕,所以吃罷真的十分飽肚,不過這個甜品中間一怱冷一怱暖的,如果係雪糕我能理解但係如果用咗焦糖醬做餡會唔會熱辣辣會啱數D呢?有冇朋友可以解答我呀!

留言

  1. 車車提早了愚人節大整古啫,依家無乜事就好啦~~~

    回覆刪除
  2. 車車偶爾撒嬌,想車媽媽多d陪下佢,見到妳佢就happy!

    回覆刪除
  3. 車車無大礙就好了,我家天師仔又大傷風了,食藥中

    回覆刪除
    回覆
    1. 呢幾日好好多了,天師仔又流鼻涕?

      刪除
    2. 係呀,仲有兩日唔肯食嘢,擔心屎我,好彩食咗兩日藥之後有番胃口,少咗鼻水,但都仲係成日打乞痴

      刪除

張貼留言

熱門文章