偷得浮生半日閒!

自從車車行動不便之後,我跟車爸爸的生活日常變得比較深閨!平日他放假現在要車公公,婆婆入來東涌打麻雀食飯,剛巧上星期六車爸爸要放星期六,而兩老又有約在那便造就了一個偷得浮生半日間的假日。

待車爸爸瞓到自然醒已是下午茶時間!樓下的世窗冰室終於開業了(因為它裝修了數個月才開業)這樣就跟車爸爸去吃過Late Lunch啦!


看它一輪餐牌後我揀了芝士汁雞扒撈即食麵,而車爸爸就選了乾炒牛河。
食物上檯的時間都算十分迅速,而且賣相也挺不俗不知味道如何呢?
先試試車爸爸的乾炒牛河$40,我當然只能食可粉啦!又炒得幾有鑊氣喎而且唔油膩,車爸爸話牛肉都夠淋不會霉dum dum。
而我的芝士汁雞扒撈即食麵$30,賣相真係唔錯試一口雞扒醃得頗為入味,而且亦煎得香口唔會鞋拾拾,最正係公仔麵煮得爽身唔非常做得相當唔錯,可惜敗在個醬汁處那個白汁傑撻撻沒有芝士香,只吃得到麵粉味難食到嘔!破壞了整件美食真可恨!
當我正想放棄之際眼尾看見有芝士粉,即時下了點後味道好得多了起碼有芝士味!真的多謝救命芝士粉喔。
車爸爸的熱奶茶跟餐唔使加錢質素一般啦!
而我的凍檸茶就跟下午茶餐加$3,係呢度咁多間餐廳唯一一間會用新奇士檸檬,真係香好多就算茶香不足亦有檸檬香補上,這樣才是檸檬茶嘛!總括這餐廳炒粉麵較出色,侍應十分寬容有禮貌,值得再次幫襯!
吃飽飽下午茶就去街市買定今晚的餸,回到家後車爸爸就動手幫車車自製輪椅,到晚餐我煮了三個餸慰勞他一番都幾豐富㗎!
好耐都未食過蝦醬蒸豬肉了買咗件連皮的五花腩,薄切後加入香濃的蝦醬調味,底下還墊有豆卜家常菜但係香口又惹味。
買咗兩條肥美新鮮的金鼓魚,好喜歡吃金鼓金的甘甜味道,況且今次蒸得啱啱好肉質滑溜魚肉亦十分鮮甜,吃得我倆十分滋味呢。
最後還買了紫椰菜新鮮時候係粉紫色好靚㗎!不過我用蠔油炒熟咗之後就變咗深紫色,雖然冇咁靚女不過味道很不錯,這隻紫椰菜比較耐火要炒耐竺些才夠淋,食多些深色的蔬菜給收多D花青素補下眼啦!呢排雙眼成日 見到啲唔想見到嘅嘢!係時候補補佢了哈哈哈...........

留言

  1. 有間好嘅茶記喺附近,真係仲便利過便利店喺附近呀!

    回覆刪除
    回覆
    1. 比起在外地的妳,我也不應怨東涌沒選擇!

      刪除
  2. 妳對眼見到啲咩唔想見到o既嘢呀﹖

    回覆刪除
  3. 紫椰菜好好食呀!
    我都見了一次,想補補佢.....

    回覆刪除

張貼留言

熱門文章