西班牙時光!

昨日幾條冷食番餐成員在清麗村姑及沉大師家聚會,伙同東涌鄰居好友Oli,Thomas夫婦一行六人一狗,由下午開始Happy Hour到凌晨才施施然回家,開心度爆燈的一個週末。

麵包超人,Candy夫婦山長水遠帶來美酒,昨天我們飲了威士忌,白酒,梅酒爽到不行呢!
多謝清麗村姑一早預備了豐富的Tapas有美味的芝士,Cold Cut,Ham,無花果,Sundry-tomato,及辛苦她老遠買回來的橄欖及西班牙沙甸魚。










主人家還摘了田內的薄荷葉及九層塔給我們自製清爽特飲,Oli滿是喜歡這飲品呢!
自製一碟西班牙拼盤,加上村姑的清甜車厘茄,這碟Tapas太美妙了!
而我就獻醜整咗麻辣鴨舌鴨腎及醉鴨舌鴨腎給大家品嚐,太耐冇整喇唔知味道會唔會差咗呢?大家唔好見笑了!
而車車有村姑為他特別炮製的金菜頭作午餐,個衰豬吃得津津有味真係識食呀!


吃到中途我們還各自特製一個Cracker,這是我的作品還好嗎?
還有我Oli和Thomas帶來的美味柚子薯片及半熟工房甜品,這天真是口福不淺。


Happy Hour到晚餐時間辛苦主人家Frankie落去買外賣返嚟繼續飲酒食飯,滿樂潮州的滷水出品算十分出色,尤其是韭菜豬紅和鹵水豆腐,味道十分香濃,在東涌嚟講已經算係唔錯的食肆。
由朝飲到晚十分舒暢過癮,車車亦由朝抱到晚十分舒服,冇問題啦最緊要佢開心嘛!
最後多謝村姑夫婦的熱情款待,期待下次再聚打攪晒啦!

留言

張貼留言

熱門文章