泰好味

泰國菜真係令人有百吃不厭的魔力!這天好友約我到蘭桂坊的Cafe Siam便是去嚐正宗泰國菜,估不到這夜也充滿驚喜呢


這夜天氣十分不穩連帶蘭桂坊這個繁華之地亦都了無人煙,這樣又有這樣的好處可以靜靜哋食一餐飯,不過也估不到這間泰國菜都幾有人氣!當晚客人亦冇不少但九成都係外籍客人居多。
甫坐下侍應送來一客蝦片及炸米片,還附上一碟香口的咖哩醬供點吃,味道辣辣哋都幾香口㗎!

而我一坐低梗係要飲最鍾意的Lime Soda$48,而且這兒用新鮮青檸汁及用最喜愛的樽裝梳打水,全部都係我喜歡的簡直係爽爆呀!
另外餐廳侍應更介紹我倆吃這個季節性限定的冬陰湯青口$138,這個青口足足有500克的份量絕對足夠二人享用,先喝一口冬陰功湯完全中了我口味, 又夠酸又夠香但辣度不算十分刺激怕辣的朋友也可一試,青口其實都挺肥美但如果能再鮮甜多一點相信味道會更加出色!
頭盤點了這個燒豬頸肉伴酸子醬$115,豬頸肉十分有誠意的用上新鮮貨所以吃下彈性甚高,而且肉質亦都好有咬口,燒得夠焦香味道亦恰好很是美味喔!
沙律就點上炸軟殼蟹沙律$123,軟殼蟹身型十分巨大亦都炸得算乾身不油膩,而底下的沙律就出奇地沒帶丁點辣味不過汁料都挺香口,我還是第一次吃沒有辣味的泰式沙律呢!
吃泰菜食咖哩都好像是必然的事!那就點一客紅咖哩燴燒鴨$125吧!通常鴨肉都係會配青咖哩,紅咖哩好似係第一次試,咖哩都好香口滑溜而且鴨肉好酥香軟熟味道絕對係不錯的。
到甜品環節當然唔會放過芒果糯米飯$81啦!這個是我近來吃得最美味的芒果糯米飯,椰汁鹹甜度恰好,雙色糯米亦都煮得軟熟煙韌唔黏牙,芒果熟透香甜絕對係高班之作。
不過芒果糯米飯須正!但遠遠不及這個椰汁雪芭$73那麼醉人,個子不小的椰汁雪葩其實吃下去完全係軟滑雪糕的質感,椰子味香濃質感幼滑動人最重要一點也不膩,我在外面吃過很多這類型的椰汁雪芭但未吃過一款這麼可口的呢個絕對一定要吃!相信不久嘅將來我好快會再來同車爸爸食一次呢!

留言

張貼留言

熱門文章