細味重溫協奏坊

如果大家有睇開車媽媽Blog都應該知我是很喜歡去珀麗酒店協奏坊吃自助餐的,因為那兒的自助餐真的性價比甚高,價錢抵吃之餘質素亦不俗,坦白講如果一家大細去食一場自助餐這兒絕對係一個經濟又有質素的好選擇。

對上一次來吃自助餐應該都係上年生日的時候,餐廳近日推出*龍蝦狂熱*海鮮自助晚餐,我呢個忠心粉絲又豈能錯過呢!
這個龍蝦狂熱海鮮自助晚餐,星期一至四成人$368/長者,小童$238,星期五六日成人$398/長者,小童$268,這個價錢本身已經十分抵食,不過車媽媽粉絲仲有更正的優惠!而家只要拎起電話打或Whatapp用我的優惠碼*CHEMAMA17* 星期一至日訂枱都可用優惠價成人$288/位/長者,小童$188/位(已連加一)係咪好優惠呢,優惠期由即日起至9月30日仲唔決D打電話訂檯,Tel:39198228或Whatapp56379977。
好事不宜遲現在就跟大家行一圈睇下究竟有咩正嘢食先!凍海鮮位置有美味魷魚,新鮮青口 粉嫩鱈場蟹腳及鮮甜凍蟹和彈牙海蝦。




前菜冷盤方面有這個精緻的牛油果鮮蝦多士,近來一聽到牛油果就滿心歡喜!大家有冇聽過牛油果可以減肥㗎!

這個晶瑩剔透的龍蝦白酒啫喱除咗樣靚味道更是正斗。
還有這杯靚靚的龍蝦沙律杯,味道好吃之餘賣相亦都十分精美。
另外還有凍肉,巴馬火腿,沙樂美腸和什錦芝士, 神聖的菠蘿係時候出場喇!
沙律區款式唔算十分豐富但每樣都好企理和新鮮。
這夜有中西湯兩款選擇,包括係雪耳豬骨湯和番茄湯,當中蕃茄湯味道十分清新怡人呢。
去到熱葷區域有這個蒜香炒雜菜,和這個慢煮蜜汁黑豚肉大家記住必食呀!
韓式芝士烤雞,日式咖哩牛面肉,黑松露忌廉焗薯及香煎龍利魚柳都頗有質素呢!


話明係龍蝦主題的自助餐當然不少得特色美食,這個千島汁龍蝦薄餅便是其中一員。
香口炸物有酥炸魷魚鬚及越式網紙春卷邪惡的化身!
刺身方面亦有供應,包括有三文魚,吞拿魚,希靈魚及鯛魚,而且全部都十分新鮮。
還有這一座壽司山真係好震撼呀!當中有特色的芒果卷味道也不錯㗎!
而今次又有新嘢食自助餐加插了爐端燒,這天供應燒牛舌,燒魚餅及燒豬腩肉,輪流供應給客人 享用。
來到這兒當然唔少得堂煮的西式巴馬臣芝士巨輪伴蟹肉龍蝦汁燴意大利飯,淨係看見那個巴馬臣芝士就已經令人心思思要吃多兩碗啦!況且意大利飯質素更是不俗呢!

餐廳雖然地方唔大但係自助餐必有的都應有盡有,例如係印式美食還配有印式簿餅,蒜蓉包及咖哩角!
而咖哩有兩款選擇分別係巴東咖哩雞肉及青咖哩牛坑腩,估唔到這兒的咖哩都做得好香口喎!
鹹食經已介紹完畢!現在為大家介紹係甜品區,這夜有6款Movenpick雪糕應該都足夠雪糕迷滿足了吧!
另外還配有數款不同口味的Cut Cake!
除了班蘭椰汁糕及紅豆果子外還有泡芙,仿燕窩燉奶及焦糖燉蛋等等!


另一邊廂有美妙新鮮的生果,香芋西米露及數款甜品包括芒果布甸,杏仁豆腐,木糠布甸等等.......


還有這部充滿玩味的自製班戟機,只要撳一下就可以出一份班戟,跟住就可以用自己的創意創製出獨一無二的班戟甜品!呢個大人細路都必定喜歡噢$
自助餐還會供應咖啡,茶水,檸檬,客人不需要額外加錢點飲品划算多了!

介紹完那麼多美味食物後呢個時候大家梗係要開餐啦!首先餐廳會為我們送上每人半隻新鮮龍蝦配芒果莎莎。
波士頓龍蝦新鮮彈牙,味道鮮甜配上清新嘅芒果沙沙醬作為自助餐的開端確實美妙無窮。
吃自助餐都建議大家先吃點生果或蔬菜,自製一碟獨一無二的清新沙律打打底,一陣間大家咪唔會食得咁兇狠嘛!
這夜的生果清甜到不得了!而且還有我最愛的菠蘿那會不滿心歡喜呢。
刺身和壽司款式款式雖不多,但每件都好新鮮而且好衛生企理,絕對可以放心食用!

凍海鮮當然係我主力追擊的美食!凍蟹夠鮮甜,鱈場蟹腳肉質一梳梳的而且味道唔會過鹹質素很佳呢。
很喜歡餐廳這一個自動濕紙巾器,按一下便會彈出一件熱暖的消毒濕紙巾,因為吃自助餐經常須要的像剛吃罷凍海鮮便很須要它,真是很貼心的設施。
剛才也提過的這兩款美味的頭盤,這件龍蝦白酒啫喱先用鰹魚淆成魚湯,巧妙地加入了龍蝦肉變成這粒可愛的啫喱,最特別係用分子料理製成的黑醋小珠,令成件入口味道格外醒神!

而這個牛油果蝦多士就更加清脆迷人,軟滑的牛油果醬及爽口大蝦,真要多吃兩件來減肥喔!
熱盤中最愛是芝士龍蝦伊麵,味道香香的很美味,另外那件慢煮蜜汁黑豚肉吃下肉質超彈,而且蜜味香濃美味萬分啊~
蕃茄湯酸香迷人,如非太滿足真的想喝多一碗喔!
最後吃埋美味的甜品和雪糕便滿足的回家,一班院友齊齊吃自助餐真的太快樂,期待下次再聚喇!

留言

張貼留言

熱門文章