澳門住宿@金麗華

在車車走了的一個月的那天車爸媽終於走出香港,首篇澳門遊已在前兩篇的Blog介紹過,當晚有兩位院友回香港餘下的繼續在澳門嘆世界,而那天我們選擇入住位於澳門半島的Grand Lapa 金麗華酒店 

酒店正進行升級工程,所以酒店大堂會比較沒那麼優雅,不過部分的房間都經已做好裝修工程,用全新的面目呈現客人眼前,而我們這天入住酒店的Grand Deluxe Resort,房間MOP$903有300多呎的空間很寬闊舒適,酒店還有不少推廣優惠詳情按此有的7折有的半價,如果時間配合到真係好抵玩!
觀海軒吃過晚飯後來到酒店都經已十時多了!兩位老人家都好攰即刻跳上大床攤一陣嘆電視休息一吓,床邊還放有小食及生果和支裝水!


全新裝修的房間十分光猛最有驚喜係一丁點裝修的味道也沒有,洗手間內有齊浴缸和淋浴間,水壓都十分良好我倆沖涼沖得好爽呢!


用品方面都應有盡有男女裝浴衣袍,冲凉洗頭液,風筒,牙膏牙刷,潤膚膏及鬚刨都很齊全,




Mini Bar有個小雪櫃內裏放滿汽水啤酒及礦泉水,這些當然是要付費的!
另外紅酒,杯麵,果仁,朱古力及薯片通通都有齊,如果半夜餓起上嚟都有著落!
熨斗熨板及夾萬則儲存在衣櫃裏需要用時也很好方便呢。


而房的角落位置還有一張辦公檯,可以放上手提電腦上吓網,牆上還附上兩個USB插頭及多個插蘇位置,啱曬我哋呢啲勁需要叉電嘅客人啦。
而我們房間的景觀也很開揚看到少許海景之餘還看見渡假村的全景,看見那泳池我倆也興奮無比呢!


晨早七時我們兩個挨著眼瞓都要爬起身!因為我哋好耐冇去游水了!見到酒店泳池十分之美麗,決定捱眼瞓都要去暢泳一番啊!
到達酒店度假村時經過健身房已經開了!車爸爸亦都唔蝕底走去玩一咗一陣跑步機。


而我最期待就係呢個酒店泳池由淺至深,而且頗寬敞人多游都唔會覺得好迫夾。
另一邊還有一個按瀑布池這個用的是溫水坐在瀑布下有按摩作用,如果身心疲累來給潺潺流水按摩一番必定舒泰萬分。
而且還有一個很貼心的BB池,看池中有個太陽傘小朋友玩得耐都唔驚會曬傷啦!
在BB池的旁邊還有一個滑水梯池,當然要比最靚仔的車爸爸去試玩啦!唔知係咪肥得滯啜住咗呢!見佢好耐都落唔到嚟好好笑囉!就係咁搞搞笑笑我哋就玩了45分鐘水喇!
有小朋友的住客仲可以帶來兒童俱樂部玩添,聽聞這兒還有嬰兒/兒童看護服務好貼心呢!
渡假村內還有水療健康中心 內裏有一個像世外桃源般的環境, 內裏的環境令人置身於泰國似的。








可惜這天的時間比較緊湊如果唔係一定捉埋車爸爸來一齊做返個雙人Spa 享受享受一番!
晨早做完運動份外覺得肚餓都係時候落去薈景閣咖啡廳 Cafe Bela Vista吃番個豐富嘅大早餐喇!
一踏進餐廳就見到早餐必備嘅各款麵包,仲有三款不同口味嘅芝士。


有現成沙律,火腿不喜歡的話還可以自己混一款心水的沙律菜。


熱食方面有煙肉及脆炸薯餅。


看見這材料就知道呢個係Egg Station,不過奄列好似漏咗少許,我還是選了香口的太陽蛋。


另外還有脆皮腸和茄汁豆,見到呢個就諗起好友海豚兒了!


還有法式西多士,班戟,和麵包布甸。




喜歡健康早餐的朋友可以食麥皮,坦白我真係好曳始終都係唔太喜歡麥皮或者麥片!
如果係中國胃的朋友都唔使擔心呀!因為這兒有好多款點心選擇,例如叉燒包,燒賣,蝦餃仲有珍珠雞添!






左面係味噌湯另外隔離的是白粥,配菜有好多如欖菜,榨菜,花生等等.......


再唔係自己整番碗自選粉麵鍾意多餸少麵或少麵多餸都得啦!
飲品方面會有西柚汁和橙汁無限量供應。
而這個熱豆漿更加是驚喜之作,豆味香濃飲落去暖笠笠好舒服。
當然唔少得㗎啡或茶啦!


而我就最喜歡呢度嘅新鮮生果!西瓜,菠蘿,蜜瓜,哈密瓜都全部好鬼新鮮,另外仲有我喜歡吃的果味乳酪。
我哋兩個游完水真係好鬼肚餓呀!攞到一檯都係好開心呀。
頭先都講過這兒熱豆漿質素好高車爸爸飲了超多碗,不過我就喜歡凍飲所以西柚汁橙汁啱我多啲!
中式點心質素已算不俗了當然不可能同中菜館相比但亦都絕對唔失禮。
這兒包包選擇都十分多,另外芝士也很好味㗎!!
晨早流流更要整番碟沙律先啦!有我最鍾意的雅枝竹,另外牛油生菜好爽甜,仲有酸甜的車厘茄吃下去份外清爽。
而這碟西式早餐中的太陽蛋十分之蕩漾好吃,配埋煙肉薯餅真係大滿足啊~
最後吃一碟新鮮生果已滿足到不行了!這時候我同車爸爸忽然睡魔急Call襯仲有少少時間就返房補補眠去,中午先至再跟好友吃午餐吧!


睡了一個美容覺便午餐到渡假村內的灆泰國菜餐廳 NAAM Thai Restaurant ,内裏裝潢泰風滿溢感覺寫意悠閒。


這日天氣都十分熱辣當然要飲番個椰青MOP$68消消暑吧!椰青十分大隻雪得夠冰凍,再加上內裏十分清甜多汁喝下去涼透心美味到爆燈喔!
美味食物經已到齊,來大家笑一個!留下最美倩影吧!
這個是泰式暹香草柚子蝦沙律MOP$105,柚子爽甜沒苦澀內裏還有不少大大隻又紮實的蝦肉,而且好喜歡他用上柚皮作盛器增添泰式風味又環保$
這兒的小食可自組拼盤靈活度十分高,自選兩款MOP$140,3款$190,4款$245,人少也不用擔心吃不完又可試多點款式。
這個係炸素菜春卷香脆可口不油膩,配上甜酸醬更加惹味動人
體型不少的炸蝦餅配甜酸醬,吃下去好彈牙亦富有蝦味味道很不俗!
牛肉及雞肉沙爹各兩串,沙嗲汁好香濃雞肉亦都有咬口。
泰式蒸花型免治蝦肉餃MOP$115,這個賣相上美得發呆的蝦餃我覺得簡直是分子料理呢!原來這是泰王宮廷食品。
蝦肉餃吃下去口感帶點煙靭,蝦味唔算太出色不過賣相十分美艷,已經太令人喜歡了!
泰皇青咖哩雞肉MOP$270,我跟大盗一見便兩眼放光,齊叫白飯吖唔該!青咖哩辣度不算強內裡有不少茄子茹菌,為了它我吃了一齊碗飯呢!
灆甜品拼盤MOP$188 頂層的是班蘭焦糖燉蛋,香茅朱古力慕絲和荔枝味果凍,中層的是脆炸香蕉,新鮮生果,而底層的是馬蹄粒椰汁西米露和芒果糯米飯。
其實全都很美味但這個香茅朱古力慕絲就最令人驚喜,香滑朱古力外還帶出香茅的味道,沒半點違和令我印象深刻!
吃飽飽午餐都係時候要返香港了!不過仲有少少時間我哋就偷咗去美高梅,看看這個出色美麗的魚缸裝飾,十分好彩我們剛好三點到廣場中央魚缸更有潛水人員表演餵魚,真係大開眼戒原來魚係食椰菜我都係而家先知咋!看完表演吃多杯雪糕便極速狂奔的回港吃自助餐喇嘻嘻!


留言

  1. 今次旅行好開心,希望8月又可以成團啦!

    回覆刪除
  2. 今次終於可以下水啦,yeah~~~

    嘻嘻,我和茄汁豆已經畫上等號!XD

    回覆刪除
    回覆
    1. 係啊游了45min太爽了!所以見茄汁豆如見妳haha~

      刪除

張貼留言

熱門文章