高膽固醇之夜

上個星期日返荃灣探車公公,婆婆礙於車婆婆有點身體不適,那夜便成機躲懶不煮走到享和街的辣度餐廳打邊爐。

餐廳門面看上去一點也不像吃火鍋的食店,但從玻璃門中看到內裏都頗骨子又近近哋一於試一試啦,估唔到吃得我們一家四口驚喜萬分呢!就等我介紹下究竟有咩令我們有這樣的驚喜吧!



就遷就不吃辣的家人選上豬骨鍋$68,湯頭看上去挺濃郁而且還有兩大件豬筒骨及一些蘿蔔粟米,先試上一口湯味道真實挺不俗!
生料方面肉類點了雞件$45,如果冇食錯這雞應該是新鮮貨,因為真係食到好香的雞味而且肉質好滑溜。
雖然我不吃牛但也要顧及幾位至愛的,點了最貴的極品肥牛片$88,車爸爸的評語是肉質淋滑而且帶有肉香,質素對得起這價錢有餘!
海鮮類最推介是這碟脆鯇魚片$38,一碟有五大片的魚片看上去充滿光澤 ,吃下去更是爽脆鮮甜不點絕對係您的損失,最後好吃得要Encore多一碟才罷休啊!
車婆婆喜歡食蠔就叫一客廣島蠔$88,廣島蠔身型圓潤肥美,灼熟後吃下質感好粉嫩,如果蠔味再多丁點應該會更加吸引。
另外點多份她喜歡吃的韮菜餃$38怎料剔錯了白菜餃!不過餃皮就不是我喜愛的!不過內餡也頗豐滿!
另一吞鮮蝦雲吞$38就皮薄餡靚,而且沒有我怕的鹼水味好吃非常!
貢丸$28都係車婆婆喜歡吃的(車公公什麼也愛吃),當然要點過給她啦!貢丸質感好紮實而且帶有濃濃的菇香質素不俗。
我當然唔會只掛住車婆婆公公而忽略我愛人啦!還點上邪惡到爆燈的豬腦花$68給他享用呢!
當然食完D咁邪惡嘅嘢最緊要就係食返啲蔬菜平衡吓!雜菜盤$48內裏有不同款式的蔬菜,娃娃菜,通菜,生菜等迎合各人口味好貼心喔!
打邊爐最鍾意的當然就係這些索味料啦!這個千層凍豆腐$28真係偉大嘅發明,豆腐放入湯後索盡湯內鮮味,簡直係明知山有虎,偏向虎山行不過為食的我懶理得佢什麼卡路里啦!
而我隔離嗰個黑洞當然要點份日本烏冬$28比佢飽肚吓啦,稻庭烏冬入口好滑溜,它還自制豬腦烏冬呢!
                                          這碗就係車爸爸的霹靂無敵高膽固醇豬腦烏冬,我試了一口用上花雕酒浸過的豬腦入口滑嘟嘟,味道則香甜到不行怪不得車爸爸吃得那麼開懷啦!
仲有這份即炸嘅響鈴$38熱辣辣的炸起鬆脆可口,根本就是一個美味小食來!

這兒醬料每位$8都係正路的蔥,蒜但並不提供指天椒,那我這辣媽怎算呢!
愛辣朋友仔不用怕,我要重要隆重介紹這兒的美味麻辣醬,餐廳有誠意到係即時炒給客人享用, 麻辣醬吃落口麻辣香而不搶喉美味到連車爸爸也要 爭來點吃呢,另外還有青花椒醬可逹選下趟要會一會它喔!
車爸爸吃豬腦而我就另類邪惡吃了火鍋湯底內的豬筒骨,內的骨髓真係十分之肥美,用嘴一口的啜下去那份極度邪惡的快感太爽了吧!
打邊爐最好就飲番杯涼茶這個夏枯草$19係餐廳自家煲製的,味道尚算不俗但如果夏枯草味再濃些就更加清熱了!
在辣度餐廳吃完精彩的火鍋後知道它家有午餐供應,昨天便去吃午餐因為餐廳話我知佢哋嘅意粉係即煮的真令我很有期待。
午餐價錢由$42至$65不等午餐包括了餐湯和主食,另外可加$配罐裝飲品或自家製涼茶,今天涼茶是羅漢果唔係好啱我口味我都係飲番可樂吧啦!
檯上的餐具全部印有餐廳的標誌,真係令我覺得好有驚喜喎!
而餐湯有粟米蓉雞湯和水果南瓜湯可選,我跟車爸爸都係唔喜歡南瓜的!所以揀了前者,用上新鮮粟米來配雞湯沒有忌廉的配襯下味道更覺清新。
我們的午餐亦已經魚貫上枱,車爸爸選了海鹽牛扒飯,而我則選了蒜蜜豬扒意粉。
還配上特別的醬汁嗜辣的我當然選了秘製辣汁,而且爸爸則選上燒汁配牛扒!
車爸爸的海鹽牛扒份量十分巨大,切開後內裏有粉嫩色澤肉質亦夠淋,略嫌帶點筋!有他喜歡的牛味見他吃得挺滿意。

到我的蒜蜜豬扒$52侍應端上來時已聞到燒烤的香氣,豬扒味道焦香甜美肉質香軟,再試一口意粉al dente非常絕對係我杯茶,加上幽幽的香草味真的愛死它!
還有這個秘製辣汁香辣刺激充滿蒜香合晒我口味,爻我差點兒將整份午餐吃盡太滿足了!

留言

  1. 車婆婆好啲未呀?

    豬腦個樣確係有啲似烏冬。XD

    回覆刪除
    回覆
    1. 只是筋膜發炎好好多了有心!我估妳會怕怕豬腦個樣呢!

      刪除
    2. 都有d呀,想show張相俾老公睇,佢唔肯睇添呀!;P

      刪除
  2. 估不到火鍋同西餐同時供應,又都有水準呢

    回覆刪除
  3. 我留意到享和街真係幾多嘢食咁喎

    回覆刪除

張貼留言

熱門文章