Buffet減肥法Round Two

前一天的自助餐減腩未如理想,所以這天再接再厲到都會自助餐廳 Metro Buffet & Grill再來奉行教規希望可以願望達成吧!

但係一踏進餐廳已知道這次任註必定失敗,皆因自助餐內的甜蜜雪糕車內供應著11款口味的Movenpick雪糕啊我真的暈了!
今次這個{中西海鮮盛薈}自助晚餐,星期一至四成人$478/位,小童$368/位,星期五至日成人$528/位,小童$408位,飲食網站更有低至65折優惠卷,折後最低價只須成人$360位是抵食噢!

既然甜開頭了就繼續甜下去吧!
再次見到這色彩色繽紛的綿花糖心情即時興奮起來!
甜點款式確不少有芒果慕絲蛋糕,雲尼/拿綠茶曲奇,紅桑子慕絲蛋糕,及法式忌廉泡芙。
接下來有意式紅莓奶凍,芒果布甸及意式奶凍。
蛋糕有四款選擇包括左下的白朱古力乳酪蛋糕,右的栗子慕絲蛋糕,左上的藍莓芝蛋糕及朱古力蛋糕。
小葡萄現時在大部份自助餐都不難發現它的蹤影!另外還有窩夫及麵包布汁配雲尼拿汁 。


最後新鮮生果有四款,火龍果,西瓜,哈密瓜及我至愛的菠蘿。
凍食區有新鮮生蠔,青口,大蜆,小龍蝦,鱈場蟹腳,還有刺身三文魚 ,八爪魚,鯛魚及吞拿魚。

前菜區有Cold Cut ,煙三文魚及前方的自家製香草薑汁醃三文魚,還會不定時轉款,例如紅菜頭橙汁醃三文魚。
沙律區不大但也供應9款新鮮配料給客人自己Mix & Match,當中有坊間少有的西班牙吞拿魚薯仔沙律,半熟的吞拿魚好粉嫩誘人。
熱食方面亦有不少款式,這個是香煎雞扒配黑椒汁,黃金蝦,蒸原條比目魚。


還有惹味辣酒煮花螺,白酒煮青口,炒飯。


印式炸雜菜,煙肉甜椒意粉,洋蔥煙肉焗蠔。


印度薄餅當然要配咖哩吧!
這個是印式雜菜咖哩,雞肉咖哩仲有印度香飯,引到好友麵包超人忍不住吃了全部款色,美味度可想而知啦!


湯品有中西兩款,中湯甘筍雪梨煲豬骨湯 ,西湯是曼哈頓海鮮周打湯。

即煮區有Pasta Station有Spaghetti,Penne,Fusilli ,配料有甜椒,蜆肉,青口,雞脾菇,大蝦及洋蔥,而且可選白汁或茄汁底。

行過少許便是燒烤區,有慢煮原條紐西蘭草飼西冷扒,香草蒜蓉燒紐西蘭羊腿,美式豬串骨及雞肉芝士腸。
燒物當中還有魷魚筒,新西蘭有機青口,燒茄子/菠蘿,粟一燒及蒜蓉牛油雒腿菇。



有中國胃的朋友可嚐這個鹹蛋肉碎粥,配菜也有六款之多一點也不隨便。

這個位置很易被忽略,這光波爐內的是即焗梳乎厘,大家咪走寶喔!
這天很幸運又被安排坐在這盞鳥籠水晶吊燈下,六時開始的自助餐還帶點陽光但又不會太耀眼坐得十分舒適。
一班好友夾手夾腳砌咗一檯美食後,影張靚相又開始大家的美食之旅啦!

先吃碟沙律菜打打底絕對係自助餐的好幫手,待會便不會吃得那麼兇狠呢!
不過真係好易失手㗎!因為這兒的海鮮真係好新鮮,美國生蠔肥美肉厚又Creamy味都幾唔錯!還有鱈場蟹腳肉質紮實又鮮甜美味可口。
最特別是這個紅菜頭橙汁煙醃三文魚和香草薑汁醃三文魚,顏色嬌豔欲滴而且吃下都很誘人美味,但我就比較喜歡紅菜頭那味多點!
另外刺身壽司色澤都好靚仔吃下亦都頗新鮮!
但講到最愛是這個粉絲炒蟹煲,香氣撲鼻的蟹煲用上原隻肉蟹,肉質紮實彈牙加上薑蔥豆豉辣椒炒真係十分惹味,不過墊底的粉絲就更加美味吸盡肉蟹精華好吃到停唔到口呢。
而即煮意粉質素亦都不俗,最重要係可以自己揀喜歡的配料及醬汁,這一點已經加分不少啦!
這一碟就係令到麵包超人吃不停口的咖哩自製拼盤,見他吃過清光就知道質數有多高了!
之前提及過的炸軟殼蟹沙律簡直係高水準之作,軟殼蟹炸得酥脆香口而且內裏還有很多膏邪惡萬分!
燒烤部份我就選了最喜歡的燒菠蘿,吃下果汁四溢香甜好吃,另外燒粟米都好清甜可口呢!
最後整多碗法國海鮮湯,充滿海水味的海鮮湯味道十分鮮濃,喜愛重口味的朋友必試!
最後當然整返一碟美味的甜品和生果,不過甜品還是留給車爸爸吃好了!我食生果便夠嘻嘻!
因為我要留番啲位置比呢四球美味Movenpick雪糕!那個椰子朱古力真係百吃不厭呢好滿足耶!
特別一題就係呢一個即焗梳乎厘鬆鬆軟軟好好味㗎!記住要昅實佢幾時出爐呀朋友。

留言

張貼留言

熱門文章