21 7月, 2017

Happy Birthday

七月絕對係一個充滿喜慶的月份,因為巳很三位朋友慶祝了生日,先來慶祝7788生日飯,7788其實係我跟另外三位好友,便甜魔媽媽,Oli,劉總都共同在七,八月生日,所以借個籍口齊齊去吃一餐生日飯,今年四大一小(Chloe妹妹)選到Kikusan慶祝。

Kikusan供應中菜及日本菜一次過可以選不同的菜系又幾過癮喎!不過餐廳不設訂座還要規定1.5小時便要交檯!想呢的朋友就要早點去攞位啦!


先來點杯解渴飲品我選了凍柚子檸檬蜜$28,這個柚子蜜入口頗清爽沒有一般柚子澀澀的味道我挺喜歡呢!
最抵C係劉總選擇的英式紅茶$24,真的怎樣也估不到在這餐廳會喝到英式紅茶哈哈......
雞絲造型的口水雞$68墊底還有爽口青瓜,辣味十分強勁很對我胃口,雞絲不會嚡嚡的配上 青瓜吃得我很滋味呢!
脆炸軟殼蟹米紙卷$118,又是驚喜的菜式先講賣相已經引人入勝啦!
米紙卷入口煙韌不黏牙,軟殼蟹炸得酥脆不油膩,加上超爽口的沙律菜成件事簡直係滿分呀!
緊接著是劉總最愛吃的豚肉小籠包$48,這兒的小籠包有豚肉及雞肉兩款選擇,我們當然吃最基本的豚肉啦!一客四件小籠包賣相就合格了,或許我太粗魯我那一隻一夾起便穿破了!其他好友的完整無缺,小籠包吃下質感十分對版內裡充滿肉汁味道亦算正宗,肉球不會過於鬆散真的充滿驚喜呢。
而我一早便嚷著要吃這個燒鰻魚飯$138這已是全晚最貴的菜式,鰻魚質感不俗吃落冇腥味,飯是用珍珠米但我就略嫌不夠軟糯有點美中不足!!
最後還點多一客千層豬扒擔擔拉麵$72,豬扒肉質好軟淋,擔擔麵湯底都算濃郁,可惜拉麵未算合我心意!


吃飽飽晚飯後我們更到樓下的京林屋 Kyo Hayashiya吃抹茶甜品呢!
甜品店內有兩個卡座位置好可愛要俯身走入才可安坐,而這個位置係要限一小時交檯,不過一小時對我哋來講已經綽綽有餘啦!


而且甜品店更要求每位五歲以上的客人要點選一款甜品,同行三歲的Chloe妹妹就不需計數了!
我們點選的甜品亦已來到好不豐富呢!包括抹茶啫喱雪糕,秘製抹茶蕨餅,焙茶卷蛋,林屋抹茶芭菲。
抹茶啫喱雪糕$58綠茶味也算濃但不夠甘香,雪糕質感是頗幼滑的,抹茶啫喱味道跟質感也未算十分出色!
另外這份焙茶蛋卷$88跟那球焙茶雪糕可以用南轅北轍來形容,同是焙茶口味的蛋卷質感軟綿味道香濃,而那球焙茶雪糕則味道溫溫吞吞的確實不爽!
而這杯林屋抹茶芭菲$88,綠悠悠的賣相很討人歡喜,這份量最適合就係開心Share啦!
最後這份秘製抹茶蕨餅$88蕨餅須不算十分出色!但同上的黑糖蜜味香甜十分誘人!




事隔一天便是會所月經會飯局今次來到皇仁書院舊生會回味去年的驚喜味道,過多兩天便是院友爐兄的生日,我們幾位院友便買來一個靚靚的生日蛋糕跟他慶祝一番!
爐兄祝你生日快樂!最緊要身體健康呀!
今晚的菜式認真豐富絕對值得大家等待半年,更要多謝壽星公安排呢!事不宜遲現在就為大家介紹一下我們這夜的菜式吧!打頭陣的是翡翠鴿片鴛鴦蚌仁,鴛鴦蚌分別係珊瑚蚌及貴花蚌,雙蚌吃落新鮮無腥味收貨有餘,但最正的是肉香四射的鴿肉,質感軟滑肉味香濃好吃非常!
此時萬眾期待的原盅鮑魚佛跳牆已經霸氣上枱了!
侍應一件一件的在燉盅內取出矜貴湯料包括有火瞳,魚翅,鮑魚,老雞及精肉等矜貴材料,此時大家的嘩嘩聲也此起彼落!那火瞳真的邪惡又美味太誘惑了吧!
我絕對唔會放過重演舊年那串鮑魚魚蛋啦!同樣的浮誇同樣的美味的感覺。
再次重溫這佛跳牆那份醇厚香甜的湯味確實銷魂,最後我那份魚翅梗係益咗車爸爸啦!
緊接著的是雲耳腿茸蒸班球,肉質爽彈的斑球配上鹹香腿蓉,清新中帶出惹味來!
到我喜歡吃的柚皮生扣鵝掌,這趟柚皮煮得更具質感絕對是我杯茶,鵝掌亦炆至恰好的口感,芡汁不會太過濃稠吃得十分舒服。
又是一道美味的菜式糖桂花餞美國桶蠔,用上大大隻的桶蠔泡製蠔身夠晒睇頭,味道甜蜜滿帶花香令人吃得陶醉。
鮮蟹粉豆腐時蔬,整碟鋪上滿滿的蟹粉金黃奪目,而墊底的豆腐亦香滑富豆香!
接下來是惹味非常的椒鹽陳皮中蝦,中蝦個子超巨又炸得香脆,入口帶甜的陳皮香加上爽口彈牙新鮮的蝦肉真的想吃多兩隻呢!
吃到此時基本上大家已經捧著肚子叫滿足!但當這隻脆皮炸子雞一上檯,又令大家的筷子不其然要開動!
炸子雞皮脆肉嫩唔在講但是寶物沉雞底,因為在炸子雞底下鋪滿甜蜜可口的蜜餞子薑,是師父的秘密武器,最後大家都爭著品嚐呢。
最後單尾的蝦子雜菌伊麵和潮式炒飯我真的沒辦法吃下了!因為肚子實在太滿足啦!!


到最後的腰果露出品依舊滑溜香濃,吃了半碗就割愛送給車爸爸品嚐啦!因為他十分欣賞這腰果露呢!

6 則留言:

  1. 7788飯聚又真係點少得甜品下場呀,睇相都覺十全十美呀!:)

    回覆刪除
  2. 睇見個佛跳牆真係流晒口水

    回覆刪除
  3. 依幾餐都係一齊食,真係唔肥有鬼囉.....

    回覆刪除