鮮、芒迎夏日

會展內的薈景 Congress Plus自助餐出名食物種類繁多,近來更推出港人至愛的主題{海鮮•味力 環球盛薈},更可於星期五、六品嚐埋一系列夏日芒果甜品,如兩者也喜歡的朋友真是太開心了吧!


海鮮味力環球盛薈自助晚餐由即日起至9月30日期間供應,客人可以免費任飲指定紅、白餐酒、啤酒、橙汁及汽水,星期日至四成人$608/長者、小童$338,星期五、六、公眾假期及其前夕成人$658/長者、小童$368,如果有匯豐信用卡成人更有高達8折優惠,而且長者、小童仲有半價添。

率先為大家介紹一系列的夏日芒果甜品,大家記住呀只有星期五、六先至會供應!內有精美的芒果撻、芒果芝士餅、紅莓芒果奶凍、芒果布甸、芒果班戟餅、香芒西米糕、香芒馬卡龍 還有芒果奶油布甸,芒果迷的您萬勿錯過喔!







輪到去恆常的甜品櫃內裏放滿各式各樣的甜點,就算不喜歡吃芒果的朋友都唔需要擔心沒合心水甜品吃啦!
這位置放上的是小杯甜品內裏包括有紅莓朱古力奶凍、紅棗糕、及清爽通透的花香鮮果大菜糕。
冰鎮著的是楊枝甘露原來這個位置都有關於芒果的甜品。
這個架上放滿了七彩繽紛的糖果小朋友看見必定樂透了。
另外還有小蛋撻及即製梳乎厘,記住看準時間取新鮮熱辣的吃呀!

最後到雪糕就真係開心喇!餐廳供應四款Movenpick雪糕,今晚頭竟食幾多隻味好呢??
介紹完甜品當然就係要介紹今次主角海鮮吧!先來 一座加拿大波士頓龍蝦山喜歡吃龍蝦的朋友真係輕易就可以回本了!
除了新鮮嫩紅的龍蝦外還有自助餐罕見的紅花蟹、翡翠螺、新鮮大蝦及修長的鱈場蟹腿。

而青口方面並唔係凍冰冰沒味道而是調了味的,這個是莎莎醬青口而另外一個是日式芥末青口,兩款也十分惹味各有千秋。

喜歡吃沙律的朋友就更加開心了!看這裏長長的沙律線看見也心花怒放吧!
而且還有專人混製凱撒沙律可以假手於人有時都幾爽中!


新鮮生果當然亦係唔少得啦!每一次有菠蘿車媽媽就最開心啦!雖然今次沒有但係這兒的西瓜、哈密瓜同蜜瓜都好新鮮甜美。
另外我覺得好精彩的就係前菜沙律數款都做得很出色美味,像這款海鮮沙律放滿新鮮海鮮色彩鮮明味道仲好出色呢!
另外還有烏日式風味的海葡萄八爪魚沙律,海葡萄脆卜卜的特別口感真的很易令人喜歡上它!
而這一個是我大愛的螺肉海蜇沙律,最喜歡就是吃這款日式螺肉和八爪魚真的不吃不厭!
最後還有這個八爪魚沙律滿有彈性的八爪魚加上清香的醬汁吃下口感特佳。
另外還有特色的醃三文魚,包括海鹽醃三文魚、紅菜頭醃三文魚,另外新鮮刺身及壽司卷物亦一應俱全。

芝士款式不是特多但有我最愛的蒜蓉芝士醬開心死我啦!!
到新鮮熱辣的美食先來熱辣辣的湯品吧!香濃的野菌濃湯必喝之選。
而這夜中式燉湯是海底椰霸王花煲豬展夠曬滋潤呀!
香口的蘑菇春卷、和牛露筍炒飯、豉蒜汁粉絲蒸扇貝、清蒸海上鮮及紅燒肉。



接著便是令我充滿期待的北京烤鴨及海南雞飯,兩款都充滿驚喜大家萬勿錯過呀!


鏡頭一轉過來又到食海鮮的時候,燒皇帝蟹腳係咪見到都流口水呢??

另外還有我最喜愛的燒鰻魚這魚的質素也做得不俗呀。
喜歡吃肉的朋友燒羊架應該都啱你吧!這夜同檯的小鮮肉吃了三件之多你話質素有多掂呢!
這一座海鮮山並非刺身來的,只要話畀師父聽你鍾意食乜師傅就會幫你即席堂煎!
喜歡吃飽肚食物的就幫襯即煮意大利麵當吧!又或者嘆一碗足料的北海道蟹粥同樣飽肚又好味。

自助餐內有燒牛肉都已經變成慣例!食肉獸的天堂可以任食又確係幾幸福呢!!
唔喜歡邪惡就一定要試呢一個烤雜菜,內裏還有矜貴的白蘆筍唔食係你走寶啦!
喜歡吃茄子的我看見這款味噌茄子煮豚肉就已經心心眼了。
另外還有泰式炒豬腩肉、檸檬雞翼、泰式魚餅、泰式炒雜菜及青咖哩雞。




雖然今次自助餐冇供應生蠔但轉為供應三款美味的焗蠔,包括有白汁芝士生蠔、莧菜焗蠔及煙肉焗生蠔。
去到印度美食有、印式烤魚、天多利烤雞、印度菠菜芝士、印度咖哩羊肉,有咖哩當然唔少得印度香米和印度薄餅啦。





今次冷盤的質素真係十分高是我有史以來食得最多的一次,尤其是螺肉八爪魚最得我歡心呢。
刺身亦都十分新鮮尤其是象拔蚌爽口彈牙又鮮味,喜歡吃刺身的朋友一定要試喔!
凍海鮮唔使講一定係紅花蟹最得寵啦!其實鱈場蟹腳亦都十分鮮甜肉嫩,唔緊要啦既然都係任食咪全部食曬佢囉哈哈!
這夜我吃了不少蒜蓉芝士醬!我絕對係可以空口食人半兜㗎!
湯品方便今次我就投西湯一票,那個野菌濃湯真的十分香濃滑溜!還有香辣刺激的咖哩都是我這天的超正選擇。
當然唔少得美味的烤鴨自助餐也吃到這樣質素已算不錯了,另外個海南雞飯美味到連相都唔記得影,那大家可知質素有多高啦!
而且這夜我就更喜歡燒烤區內的燒鰻魚串及燒皇帝蟹腳,前者燒得香甜味美、後者雖然燒得有點乾身但滿滿的蟹肉還是吃得我很滿足。
呢個時候當然是吃甜品的最佳時機,生果當中芒果亦是我其中的心頭好當然要全部食曬喇!而這麼多款中我就最愛紅莓芒果奶凍,酸甜並重的味道吃下滑溜可口。
不過點都要留啲位畀雪糕啊!足足四款Movenpick雪糕攞曬返來開心share,唔使咁肥之餘又食得開心大滿足啊~

點知去到呢個時候侍應捧出這個生日甜品給我真的十分開心又驚喜!多謝公關好友的心意, 在此我也都祝大家身體健、康工作順利!!

留言

  1. 淨係食燒蟹腳、燒鰻魚同芒果甜品都夠開心啦!

    最尾個甜品拼盤好有心思呀! :)

    回覆刪除
    回覆
    1. 係啊尤其我這個鰻魚迷開心到飛起!

      刪除
  2. Sorry 我錯重點,值真係好懷念個勁似嫲嫲煲的老火湯!

    回覆刪除
    回覆
    1. 冇錯重點因為嫲嫲煲的老火湯確是重點!

      刪除
  3. 回覆
    1. 自助餐就是要有澎湃的食物才吸引!

      刪除

張貼留言

熱門文章