03 8月, 2017

又唔錯喎!

某個星期天在荃灣搵食因為實在太熱的關係捐咗入去商場,見到這一間大阪王將 Osaka Ohsho都不理好醜走入去試下啦!估不到誤打誤撞又撞得出驚喜來喎!

呢間門口極度卡通的日式餐廳主打吃的是蛋包飯、日式拉麵等!比我感覺有啲膠膠哋呢!
內裏牆壁天花板全部都是卡通公仔感覺很有童真,希望食物質素唔會太BB班啦!
在午餐餐牌中選了天津汁吉列豚扒天津飯$58,午餐還包括罐裝飲品或熱柚子蜜、薑茶一杯,唔使問阿貴我梗係揀可口可樂啦!飲品就普普通通啦!但跟餐有飲品又不須額外付費我覺待OK了!
吉列豬扒蛋包飯上檯時用鐵板盛載,熱哄哄的感覺十分美好!
切開雞蛋部分還有蛋汁冒出,飯粒仍保持爽口好有驚喜喎!
吉列豬扒外層做得酥脆香口唔油膩,內裏的豬扒肉亦唔會薄如紙咬下去好有口感,當然$58我唔會要求佢好有肉味啦,但它的表現已經合格有餘了,唯獨是那個天津汁我就覺得麻麻哋!有少少像醬油獻稠稠的唔係我杯茶囉!如果配日式咖哩我相信會更加吸引。
車爸爸則選了醬油野菜東波肉拉麵$52配熱柚子蜜,拉麵賣相唔算好標緻,但兩片肥瘦均稱的東坡肉看上去味道像不錯呢!
東波肉吃下果然味道十分出色,質感有咬口之餘又夠入味而且肉香滿滿,我倆也吃得十分開心!
而醬油湯底亦都調配得十分不俗,鹹甜度恰好之餘拉麵質地亦算不俗,兩份餐都帶給我們少許驚喜可以返兜啊!

5 則留言:

  1. 個豬扒蛋包飯令我諗起以前八佰伴food court嘅食物擺設,好有“回憶”呀!

    回覆刪除
    回覆
    1. 好耐冇聽過八佰伴了!

      刪除
    2. 我細個時都成日行八佰伴,轉眼成陳年回憶了....

      刪除
    3. M2, 成日去屯門八佰伴行街,除左食,最鍾意睇sanrio!

      刪除