*避*得好!

大家小時候有冇到過避風塘吃美食?有粉、粥仲有好多精美海鮮小菜食仲有人唱歌的艇呢,不過車媽媽就好怕海上面的浮游不定!所以從來都未嚐過真正的避風塘美食,不過咁又唔代表我食唔到喎!

只要識得去如心銅鑼灣海景酒Corner 18那便可以穩穩定定坐於舒適環境內享受避風塘菜式。

酒店位於十分方便的天后地鐵站對面,最重要的是自助餐超級抵食,如果我話比大家聽每一位平日只不過係$262您會唔會覺得平得有點兒那過?
先講個原價比大家聽自助晚餐收費星期一至四成人$328/小童及長者$268,星期五六日及公眾假期成人$348/小童及長者$288,只要在Openrice下載優惠券更可以低至7折享用自助晚餐。
既然講到咁抵食咁就帶大家看看究竟有什麼美味食物吧!雖然餐廳食物種類唔算十分多但係 CP值來計絕對是超值,凍海鮮類有翡翠螺、大蝦、蟹腳、鮮蜆及青口而刺身則有三文魚、八爪魚、立魚及吞拿魚其實都應有盡有㗎!
沙律區方面亦都有不少選擇,如鷹嘴豆、紅腰豆、粟米、車厘茄、橄欖及多款醃菜等等都幾多選擇。
另外還有不少新鮮沙律菜及現成沙律可供選擇!
還有超級美味的滷水豬耳、風乾火腿以及水牛芝士蕃茄。
還有熱辣辣惹味蝦膏蛋白海鮮炒飯,白飯魚煎蛋及蟹油炒麵等這些艇家菜!!
去到熱辣辣的避風塘美食,分別有辣酒煮翡翠螺、豉椒炒蜆青口、避風塘炒辣蟹、XO清蒸扇貝、蠔皇鮑菇娃娃菜、白灼水魷魚及鹵水拼盤。
當然還有粉嫩貌美的燒牛肉,看得到的美味喔!
還有正宗的艇仔粥這兒的粥底好既綿且滑,配合正宗的艇仔材料真是超級有心製作。
自助餐內還有中、西餐湯及糖水。
而自助餐更有咖啡、茶、水、檸檬供應另外還有橙汁可選呢!

甜品方面有杯裝雪糕仲有三種口味可選。
繼而還有可愛的炸煎堆仔及自助班戟機,可以自己動手做一份獨一無二的甜品。
還供應數款蛋糕如Tiramisu,朱古力蛋糕、芝士蛋糕及Cream Brulee等等!
最正的還有涼粉客人可自行加上各式生果,配製一碗美味的懷舊涼粉呢。
這兒的生果特多又新鮮,菠蘿、西瓜、蜜瓜、哈密瓜、火龍果及鮮橙全部都好鮮甜多汁,這一夜我吃了超多呢!
另外還有不少杯裝甜品選擇,相信總有一款合心意吧!
最後還有可愛的一口小蛋撻及豆腐花,喜歡中式甜品的朋友也有得揀啦!
影完食物相係時候就開餐了先來吃刺身嚕!肥美的三文魚這樣絕對成了我的最愛,其餘的也挺新鮮可口。
這個辣酒煮翡翠螺味道做得夠香辣,加上螺肉唔會過韌味道口感都很出色。
XO醬蒸扇貝最好味當然係粉絲啦!須則扇貝新鮮但也不得巳淪為配角了哈哈哈.........
這豉椒炒蜆夠晒鑊氣吃下十分惹味,而且蜆肉隻隻肥大飽滿吃得嘴巴十分滿足!
不得不提的是這兒的避風塘炒蟹真是好吃到不得了!除了新鮮內蟹美味外那蔥蒜更加吸引!我即刻走到粥檔取來一碗白粥放入避風塘配料碎碎來吃,這碗粥真心可以食三碗粥也未夠喉呢!但還有很多美食陸續登場忍口是必須的!
皆因還有這一款配粥一流的蟹油炒麵,豐腴的蟹油襯上芽菜青蔥及炒麵那股香氣令人不禁喘息,吃下那油潤不膩側口感總令人愛不釋口呢。
其它必食的還有滷水豬耳大家一定要試喔!這兒大廚自己親手做的滷水真係十分入味,豬耳入口質感是爽脆,幽香的滷水味全灌注入內水準超卓。
我當然唔放過這麼新鮮的生果啦!吃了一大碟真係好開心感覺健康咗即時少了罪疚感呢嘻嘻!!
再整多碗豆腐花還算有豆香可惜唔夠滑溜,唔緊要仲有一碟美味的甜品補數。
小蛋撻做得好鬆脆,煎堆仔亦都香口非常夠我滿足了!
但原來最後自助餐還會送上每位一客期間限定的炸雪糕,炸雪糕外層金黃不油,熱哄哄的外層配合凍冰冰的雪糕一同吃下,那冰火交融的感覺超爽啊!用來作自助餐的結局尾實在美妙!

留言

張貼留言

熱門文章