港產漁市場

香港終於有自己的港產漁市場除了香港區九龍區現已開設了九號水產由本地商家開辦主理, 這天藉著市場內的頤之味生劏近80kg養殖藍吞拿魚便相約一眾好友到訪大嘆日本料理。

九號水產位於紅磡黃埔就在船頭對面地點也算易找喔!


漁市場內地方十分寬敞有接近5萬呎的,內裏除設有各款水產買賣、餐廳食肆外還有一所食材專賣店,內裏的貨品價格頗相宜,大家行過一定要入去掃貨呀!
早到的我更在超市內行了一圈,內裏售賣的產品真係十分便宜,例如這條北海道喜知次600g只需$309,在日本料理店食一條不$1000也$800。
而這隻印度大頭蝦一盒內有兩隻足有500g只係$99太抵食喇啩!
講到日本美食點可以唔去呢個名蟹區叩!有各式各樣的日本蟹售賣,造隻皇帝蟹講緊都係$600多真係實在太抵了!


講到平都唔夠呢個北海道白背抵食100g只係$9!另外還有十分多款式的各類美食我走的時候也買了些回家返文章末才話比大家聽我究竟買咗啲咩啦!
行完超市再直去便是餐廳跟水產部門位置,看見這間蠔吧原來正正是馬德鐘開設的店舖,內裏還有酒窖好切合佢識*食*的性格!而且當天我更見到他真人確實十分高大威猛呢!
經過蠔吧後便是售賣海產的位置,這天有特價$10/隻活扇貝,仲要係可刺身食用的真係抵到冇朋友啊!可惜食完飯之後已經收關店!原來水產店收九點㗎如果大家想買新鮮海產就要早啲去shopping喇!
水產市場內除了扇貝、龍蝦、鮮漁還有不少日本活蟹 供應,如皇帝蟹、花唉蟹、毛蟹甚至韓國活鮑魚都有得賣,真係睇到眼花繚亂呀!
而市場內更有 一個漁港探知館,內裏放著漁船以及漁民在船上作息及的佈置,得挺有心思呢!




這天到來為的是欣賞於六時半的生山劏日本九州養殖藍鰭吞拿魚,這條接近80 kg的真係欠些工架也很難駕馭呀!
左面是日本師傅另一位便面是今次負責生劏吞拿魚的靚仔Eric師傅,雖然他第一次現場表演即手法尚算純熟,因為真係少點力氣及經驗都會變咗老鼠拉龜㗎!!
三扒兩撥之後就便切出這份大拖羅,看見已經口水流了是嗎?
這時候大家就轉戰頣之味內,因為這兒可品嚐到剛劏出來的藍鰭吞拿魚呀!
識食的我們當然選擇坐於壽司吧枱位置啦!因為可以一面欣賞師傅手勢一面品嚐最快最新鮮的日本料理。
看見各種新鮮食材在眼前胃口即是大開,我已準備好了來吧吞拿魚!
率先上檯的是沖繩溫泉玉子野菜沙律$98,擁有一顆洶湧澎湃的溫泉蛋,破開後混合新鮮的野菜入口多了一份蛋香吃得挺滋味!
接下來便是急不及待的刺身環節,左起是韓國活鮑魚刺身$128、油甘魚刺身$45/2件、本繪刺身(大、中拖羅及赤身)各2件$360,平目薄切$120/2件及牡丹蝦刺身$100/隻。
先品嚐白身的平目魚刺身,平目魚味道清淡但夠鮮甜做刺身就最啱!
接下來的是油甘魚刺身此魚口感較為彈牙,入口滿有魚香沒有帶腥質素不俗!
接下來是韓國鮑魚刺身,坦白講平時對鮑魚刺身沒甚好感!因為覺得又硬又實咬口不佳,原來我錯了只要師傅刀功了得吃下去的鮑魚爽脆到不行!而且鮮味比熟食更加出眾。
接下來便是享受吞拿魚的三重芝滋味時候了!
先品嚐吞拿魚背刺身(赤身),入口軟滑無筋恰好的體溫放入口中十分舒適,味道當然是鮮甜可口啦。
接著是看得見肥美的中吞拿魚腩刺身(中拖羅),入口油脂較為豐富多了一份香味之餘同樣是鮮甜無比。
當然千呼萬喚的大吞拿魚腩刺身(大拖羅)絕對是最美味的!那份潤澤油脂充令滿口滋潤,但又唔會覺得肥膩這便是魚脂的吸引力!
最後還有這個牡丹蝦刺身,比我手指還要長的牡丹蝦吃下質感軟糯,在口中跟舌頭和牙齒纏綿不絕,繼而那份鮮甜香氣於口腔久久不散吃得我十分愜意!
接下來的是壽司環節,10吋鰻魚壽司$108及西村壽司65,夠驚喜了嗎?
一吋長一吋強那這修長身形的十吋鰻魚壽司究竟有多強!吃下鰻魚肉質偏淋身,而味道略為重口味,而我個人就喜歡較少汁多點!但那十吋長的滿足感也足令人心動的!


在旁那件是西村壽司一件內有齊海膽、甜蝦、吞拿魚蓉及三文魚子,那份鮮味教人怎抵擋啊!壽司飯醋香較濃我挺喜歡喔!
最後還嚐了有本鮪當丼$168這麼難得有得吃即劏吞拿魚當然要吃盡它吧!另外那蔥免治吞拿魚腩丼$98,滿載我喜歡的香蔥加上油潤的吞拿魚腩蓉足以令我滿足C了!
最後在超市內我買了一支北海道白粟米$66,自從車爸爸第一次帶了一支回來給我品嚐後大家已深深愛上它,我當然要買返去孝敬他吧!白粟米非常爆汁加上清甜到沒話說,見他吃得津津有味太好了這$66實在比得很值啊~
另外我跟買了沖繩來的雞蛋$39,其它日本蛋大家都好易買得到,但沖繩蛋好像不多地方有賣了!
某天晚上作了其中一道菜,想吃出真味道煎太陽蛋最為恰當,蛋白好滑溜鬆軟而蛋黃夠大隻企身,嘴尖的我倆覺得雖然蛋香沒有預期的濃郁但其實已經相當不錯了!

留言

  1. 呢個地方嘅裝修真係好有日本feel呀!

    更靚嘅魚生壽司都不及文末嘅兩隻愛心太陽蛋呢!:)

    回覆刪除
    回覆
    1. 香港難得有哪麼大地方!btw太陽蛋從妳口中即變成天下美味^0^

      刪除

張貼留言

熱門文章