月餅巡禮

行船爭解纜月餅梗係要食先啦!車媽媽近來吃了數間不同出品的月餅今天就來一個月餅巡禮吧!希望俾到少少頭緒大家買咩月餅送禮自用啦,首先多謝逸東酒店送來集團的迷你金黃奶黃月餅六件裝$328。

光是論賣相就已經係全港首屈一指的美!嬌柔粉紅色皮革盒子配上高貴金扣,那份貴氣不論男女也無法抵擋吧!
拆開金色外盒內裏是一件迷你奶黃月餅,餅皮充滿濃濃的牛油香氣吃下並不油膩,內裏的奶黃餡亦充滿奶及蛋黃的誘人香氣,口感偏向濕潤放入微波爐叮數秒再吃會更加美味哦!
第二盒是香港會議展覽中心送上金紫荊粵菜廳出品的雙式月餅,紫色跟綠色相襯的火花也教車媽媽為之心動啊!
內裡有傳統的雙黃白蓮蓉月餅及口味特別的松子棗蓉月餅。
第一次品嚐松子棗蓉月餅我只能說喜歡棗香的朋友絕對不容錯過!棗蓉入口既滑溜又香甜那份幽幽的棗香在口中久久不散,內裡還夾雜著松子及果仁吃下增添口感之餘更加多了點香氣呢。
第三款是金記冰室的低糖雙黃蓮蓉月$298/盒,用上傳統紙盒包裝盡顯懷舊味道跟集團十分相襯!
第三年都同樣選擇了金記冰室的低糖雙黃白蓮蓉月餅,貪其不會太過甜膩而且蛋黃又夠油潤總是令我百吃不厭!
接下來這一盒是我十分喜歡的尖沙咀凱悅酒店送我凱悅 《賞·悅》月餅$358, 內裡分別有雙黃白蓮蓉月餅、迷你蛋黃奶皇月餅及迷你陳皮紅豆沙月餅各2件。
這個雙黃白蓮蓉月餅的蓮蓉超香滑又甜美,加上鬆化油潤的鹹蛋黃令人吃得十分愜意呢!
另一件迷你陳皮豆沙月餅更是芳香迷人,一口咬下先是豆沙幼滑再來的是甘香的陳皮味道,吃罷滿口甘香可口非常。
最後便是近年大熱的迷你蛋黃奶皇月餅,這個出品亦十分出色香口的牛油皮包裹著充滿鹹蛋香氣的奶皇餡,乾濕度恰好口感超然味道亦唔會過甜認真出色!
最後是網店N*icepops今年中秋推出配搭別出心裁、精緻美味的The Mooncake Ice Pops手工雪條月餅禮盒為傳統節日帶來了玩味!每支雪條月餅共有兩款口味,擁有可愛的月餅外層和半月形夾心,一盒共有8支、4款口味各2支$238。
味道的配搭分別為藍莓芝士 x 香芒夾心、茶記鴛鴦 x 雲呢拿夾心、粒粒粟米湯 x 蕃茄湯夾心、港式紫米露 x 紅豆夾心,真係好有心思喎!
打開了雪條呈現美味的月餅模樣,昨夜試了兩款口味也滿覺驚喜,先試了茶記鴛鴦x雲呢拿夾心真係好似飲緊一杯鴛鴦一樣的味道,雪條帶少許冰感吃下好爽口我很喜歡呢!另外一款粒粒粟米湯x蕃茄湯夾心,驚喜就更加震撼完完全全係飲完粟米湯再飲蕃茄湯一樣,又甜又鹹的口感確實令人很有驚喜呢!
很期待今晚試埋另外兩款味道啊!手工雪條月餅禮盒現有惠顧3盒或以上8折優惠,不愛吃傳統月餅的朋友可多一樣選擇跟親朋好友共渡佳節啦!
      

留言

  1. 我早兩日至話今年唔食(買)月餅,結果琴晚某人買咗陳皮紅豆沙月,哈哈!XD

    回覆刪除
    回覆
    1. 無計,鬼叫佢係傳統餅食迷~今次都預左一批coupons俾妳地掃架啦! ;)

      刪除
    2. 先謝謝Yan! ^3^ 大家今次真的不要再花錢啊,尤其我地之後坐廉航去玩,行李有限,不能帶太多東西。

      某人拎住個盒研究一輪,然後話呢盒夠正氣,所以就揀咗佢!^^"

      刪除
  2. 我都要努力趕寫埋月餅summary!!!

    回覆刪除

張貼留言

熱門文章