荃新拉麵店

某天在好友面書看見一碗鋪滿邪惡叉燒的日式拉麵！看得我口水直流細問之下原來這間名叫麵屋丸京 Menya Maru Kyou經已進駐荃灣區！

麵屋正位於恒生銀行對面天橋底下，很易會行過龍的大家搵嘅時候要留心點啊！

一踏進店內看見這幅手繪畫成的壁畫，感覺真的栩栩如生好有心思，絕對是全場焦點。

而設施方面都有而家大部份都會安裝的USB插頭供客人差電用，絕對係一間貼心餐廳的表現，另外個日式娃娃筷子筒亦都十分之搶鏡呢。

今天我來試的當然是這兒最出位的真空低溫調理*真*叉燒拉麵啦！ 我就點選了濃湯作湯底，一日限量20碗咋要食唔該早啲嚟啦！

飲品我就選了靜岡蜜瓜梳打＄20，入口蜜瓜味唔算好真實我就覺得味道普通啦！有可樂會開心D囉！

車爸爸就點了豚骨魚介拉麵＄73，魚介湯的味道都很不俗，入口唔會過鹹或油膩香味甚濃做得恰到好處！

碗內有三大片軟淋叉燒頗有質感而且不肥，滿帶肉香味道亦十分對版。

我倆點的拉麵都沒有半熟蛋那就額外點一粒京風味半熟蛋＄10，切開有點兒失望蛋黃不夠流心！味道亦都唔十分突出這個蛋有進步空間啊！

來到我點的*真*叉燒拉麵濃湯底＄93，鋪滿激動的蔥花我至愛，濃湯底充滿豬骨的濃郁香氣喝入口不黏嘴香口非常，如湯頭能再熱燙多點更能令我滿意。

真空低溫處理叉燒看上去較為粉嫩所以被譽為櫻色叉燒，吃入口帶有豬肉香氣，質地較普通叉燒質感軟淋，入口有即溶的感覺，味道好簡單正正能夠吃叉燒香味來，而更足足有六大片之多坦白講單憑我個人食力絕沒辦法清碗！好彩我有個黑洞在身邊才不致浪漫珍品。

麵底用上幼身拉麵軟硬度我十分之喜歡因為較有咬口，配合香濃不油膩的豬骨濃湯真係好有驚喜喔！

如果大家都好似我咁重口味可以加入辣椒醬及生蒜蓉味道就更加惹味出色了！好開心喺荃灣除了台風之外又多一間出色的拉麵店，相信不久的好將來我又會再米幫襯㗎啦！