茶記日誌

呢排食咗幾間茶記都有些不同的感覺那便寫一篇茶記日誌吧!第一間是尖沙咀厚福街的101肉燥飯專門店 這店我經常行過但從未試過幫襯!趁著這天到尖沙咀幫指甲扮靚靚一於入去嚐一嚐吧!正值下午茶時分我點了這個芝士鴨胸撈公仔麵$29,內有四大件鴨胸都冇揸流灘,雖然芝士味不算好香口,但混上乾身的公仔麵上都有佢吸引之處,而在尖沙咀區可以用這價錢吃一個下午茶我覺得性價比都幾高了。

而且下午茶餐還會配這杯台式檸檬綠茶,不需要另外加錢都幾抵喔!幽香的綠茶味道加上酸酸檸檬調劑喝下去幾解渴清爽好啱我口味。
這一天是跟車爸爸一同在荃灣正品蕃茄湯麵店吃的午餐,其實已經在荃灣開了一段日子我又係未試過喎!坐下好快我就揀到自己心水食物,蕃茄麵係必選另外一份點了年時限定的蔥油豬扒飯。
午餐跟有熱飲一杯而我則盯上龍鳳檸樂另加$9,這個正常不會難飲但這兒的鹹檸檬完全沒發揮它的*味*力囉!
車爸爸例牌熱奶茶睇佢飲完個樣應該都好一般!!
出奇地車爸爸竟然揀了蒜香辣雞肉湯麵$44,在五款蕃茄湯底中還選了黑胡椒蕃茄湯!好少見佢咁重口味還主動點辣,而雞肉曾經香煎過入口變得更惹味不錯。
黑胡椒蕃茄湯都做得幾美味起碼唔會唔湯唔水!當然茄膏份量都落得不少不過都可以收貨啦!而主打的蕃茄麵也算富有特色,當然配蕃茄湯底吃一定吃得蕃茄味!麵質都幾滑溜不過我就略嫌淋了少許!
另一份是蔥油豬扒飯$45兩大件的香煎豬扒夠淋亦夠香,白飯上的蔥油味道不是我最喜歡的!不過旁邊放有白灼蔬菜這點絕對可以加啲分,但係可惜餐廳內的侍應態度、禮貌也欠缺 !呢間相信我唔會再去食囉!!
這一餐是我去尖沙咀買嘢的時候到我最喜歡的荔園茶餐廳一個人的浪漫午餐,點了蒜香豬扒配雜菇喇沙湯米$48配凍檸茶另加$3。
喇沙湯底超濃郁而辣度一點也不弱,不吃得辣的朋友不建議點吃呀!蒜香香豬扒味道質感都做得十分出色,肉質有彈性味道又香濃,內裏還有滿滿的雜菇加上滑捋捋的米線成件事都好出色美味。


最後呢一間就係喺青衣城內土司工坊匆忙哋吃的午餐!點了一個最簡單的餐肉煎蛋通心粉配凍檸茶$39,凍檸茶毫無茶香而且篤完檸檬之後仲變了很俗的茶 一啲都唔好飲!!
而餐肉蛋通粉個湯則充滿味精!個煎蛋實到完全不能入口!唯獨是餐肉叫做正常一些,還幸通粉頗有咬口都好合我心意,真係估唔到呢間餐廳的質素會差成如此!

留言

  1. 睇黎呢幾餐茶記都唔太值得翻兜喎,而最後間連鎖店,又估唔到會差成咁。^^”

    回覆刪除
  2. 正品係咪仁濟醫院對面嗰間﹖

    回覆刪除
  3. 去Toastbox都係食喇沙或咖哩較有保證~

    回覆刪除

張貼留言

熱門文章