冬至放題

車婆婆的小花園內養育著這一棵洋水仙，外貌嬌俏可人正直花開盛放的時候給它拍一幀照好好的記錄下來，大家都須知道花無百日紅這個道理是嗎？

上個星期天我們莫家提早吃冬至晚飯，在娘家打了四個東後就跟車公公、車婆婆行去餐廳，途中在沙咀道看見這燦爛璀璨的聖誕燈飾好吸睛啊~而當中最吸引我是兩隻可愛的小狗，不禁令我想起來羅車車！唔知佢而家過得好唔好呢？聖誕快樂呀乖仔！

我們一行十一人走到荃灣大鴻輝內的滿屋日本料理吃日式放題先來幾杯特飲，放題內可以無限任喝特飲真係比較少見，而且有檸檬梳打、蜜桃梳打還有荔枝梳打及車爸爸點的兒童飲品芒果特飲可選，點解他要叫作兒童特飲？因為又有雪糕又有芒果喎！！

這夜大家都好興奮因為個個都唔需要返工咁就要嘆番兩杯喇！這兒還有梅酒、清酒任飲這一夜我們都飲了不少好高興啊~

食物方面都頗有驚喜而且質素真的十分不俗，這一盤刺身全部都新鮮好吃非常，內裏有牡丹蝦、油甘魚、希靈魚、三文魚、帶子、榮螺肉、赤貝還有極之肥美的劍魚腩，每一樣都會帶給您滿意的味道。

大家看車爸爸的影帝級浮誇演技就知道呢隻牡丹蝦有幾咁正啦！！

另外一提這兒還有必吃推介無限任食期間限定的象拔蚌刺身，口感爽脆味道鮮甜可以無限任點任吃真係爽皮到一個點呀！

而中式熱食都好有質素，辣酒煮花螺味道雖不至於超級美味，但東風螺肉浸得軟淋入味又有咬口絕對值得一試。

另外避風塘系列亦做得香口非常，我們點了避風塘炒蝦、避風塘鴨舌及避風塘炒蟹，吃得出用料新鮮非常，而且味道香辣兼備真的吃得很過癮呢。

放題壽司質素都係一個重點，這兒壽司款式多到不得了而且質素亦不錯，我就最鍾意黑松露 牡丹蝦壽司和穴子壽司。

喜歡吃海膽的我當然唔會放過這兒的海膽手卷，海膽同飯都冇乜大問題可惜紫菜真係韌到一個點這個不推介！

喜歡吃蒲燒鰻魚的我見到有得淨點實在太高興了，可惜鰻魚有不夠軟滑及香口，這一個麻麻地咋！

反而串燒大蝦就十分出色，蝦肉爽口又彈牙最緊要係有鮮味，用少少鹽燒已經很夠味，質素真的很讚呢！

最開心食放題有燒菠蘿點，經燒過的菠蘿更加香甜多汁，真係勁愛這個死八婆呀！

吃了那麼多凍冰冰的美食這時候來一碗熱辣辣蟹粥吧！唔知點解每次去吃放題我都必定要吃蟹粥才覺得完滿。

甜品環節我就選了這個榴槤炸彈，有吃開放題相信對佢都唔會陌生吧！食完再飲啖可樂簡直係人生一大快事啊~

最後吃多個香滑的牛乳布甸就便完成這晚滿足的冬至飯聚！

這樣又過了一年的冬至晚飯家聚，再來應該就係食團年飯了好期待呀！下次又食咩好呢？？