手撕雞

去大利買番個麻雀莊時路經炯記餐室，見到有手撕雞供應仲要係招牌菜，一於入去試一試先！

牆上貼有大賣手撕雞、撈麵專門店的宣傳照當然要點一客來試啦！可惜我不愛吃粗麵，但又沒幼麵唯有吃飯啦！

套餐可加＄3點凍檸檬茶，杯子較坊間茶記的式，味道算可以有茶味檸檬亦夠香，熱奶茶就普通貨色啦！

我吃麻辣手撕雞飯餐＄48凍飲加＄3，附上一碗老火湯或葱花湯，在我沒特意揀下送上了老火湯一碗，味道嘛例水一碗不欲多談！

但麻辣手撕雞則挺合我心意，麻辣度夠刺激又香口，雞肉沒預期的鞋口，而且份量亦算不少，只可惜白飯未夠軟熟可口！

醬皇豬手粗麵＄38轉餐加＄5，感覺貴又細得兩件沒太特別好吃的豬手，加上充滿鹼水味的粗麵！絕對不是我喜歡吃的！或許鵝油撈麵會吸引些吧！