掃街一天團

1月2日車爸爸中午已收工!變相在連放3、4號之下多了一天假期,我們便先在西環吃個雙重午餐,再殺落葵涌廣場掃街,很久沒這樣拍拖了勁開心啊!

先到期待已久的永合成吃煲仔飯,此店營業時間星期一至六開早七時收下午四時,對於離島人的我真的不易吃到呢!!
點了黃鱔排骨煲仔飯$105,過相時發緊夢錯手Delete咗,大家唯有睇吃至樣殘的煲仔飯啦!第一次到來不知規矩後來才發現飯焦要加$10才有!飯粒算挺身飽滿濕潤度亦煮得恰好,黃鱔佐以大量香甜洋蔥烹調,鱔肉鮮彈冇泥味,不過似小菜多於煲仔飯!另外那排骨則十分有驚喜,彈牙口感肥瘦均稱肉香四射!
另外點上半碟足料蘿蔔糕$30,是質感較削身的版本,喜歡有咬口的朋友未必愛吃,內裡確有不少臘味足料冇騙人,蘿蔔味是有的但個人覺得可以再多些!加上一杯風味不錯的熱奶茶和凍檸茶埋單$170著實不便宜!
吃完煲仔飯走過隔鄰666泰船麵重溫平靚正的泰式美食!
車爸爸奶茶癮未止來到以$10跟餐價點多枝泰式樽仔奶茶,一貫泰式香甜味道一喝無妨!
而我主要來吃泰式海南雞飯$28/泰地道,小小一碗最合我們午餐2.0,如不夠吃大可選港式$42大碗好多!
泰式海南雞飯依舊迷人,嫩滑的雞肉份量也不少,油飯味道也不俗,配以泰式雞醬更加惹味!
另一份點了豬肉船河粉同樣選上$28/泰地道,正宗的粗河粉會較煙韌,並不是我喜歡爽滑的那口感,而一碗有齊炸豬皮、豬肉片、豬肉丸、豬膶和蘿蔔,加上挺足味的湯頭這價位真心冇投訴!
吃飽飽跟車爸爸到銅鑼灣開倉Bauhaus掃牛仔褲,一共掃了5條4條Tough 1條Annatasha合共$1500,用平時只可買一條的價錢埋單真係平到笑甩下爬。
開心敗家後向葵涌廣場進發,最主要來買冲凉番梘當然順路掃埋街啦,可惜我們午餐實在太滿足了只能試了少許店舖,先吃了熊茶的北海道牛乳豆腐花。
北海道牛乳豆腐花$13真心不便宜,不過嫩滑美味的豆花確令我覺值得,我先沒加上黃糖來品嚐,入口帶有幽幽的奶香接下來是黃豆味道,互相配合沒有那一方表現浮誇,加上黃糖吃返而蓋過了香氣! 
行經這間水記忽然閃過一篇讚好的食評便拉下車爸爸吃東西,店子以外賣為主門口有一小檯凳供快閃吃!還有貌似阿Sa的店員熱情招待,令我倆留下超美好的印象。
我們選了招牌碗仔翅$17配生菜魚肉另加6,另外辣味B仔雞翼尖$10/份!
兩溝由細吃至大照計應該冇咩驚喜!不過世事無絕對只有真情趣,魚肉竟然用上自家製的泰式魚肉,口感彈牙之餘帶上檸檬葉的香氣好吸引,碗仔翅質地也烹得恰到好處,爽口木耳加滑捋捋粉絲令口感豐富非常,好吃得車爸爸要來多客小的碗仔翅$8,事實用回大碗裝了差不多滿的給他!
辣味B仔雞翼尖香辣惹味又夠淋滑,怕辣的車爸爸受不了,靚女店員見狀即刻送上蘿蔔給他吃,炆得很清甜最重要冇乜味精好正!


最後仲請了我們吃她的私伙美食,泰式札肉小小一粒吃下又香又爽仲好好味道,有時間要去九龍城尋找有冇得賣先!
其實我已不肚餓不過孖寶車仔麵的韮菜豬紅很好吃,一場來到怎也吃一碗才對得住自己!
魚蛋也是必吃推介現在要吃有質素的篤篤魚蛋真不易!辣魚蛋固然惹味香口,難得不辣的也彈牙可口。
清香不老的韮菜、滑溜入味的豬紅、淋甜有咬口的蘿蔔、加上香氣又潔淨的豬腸,這碗韮菜豬紅係超班的。
最後在小確茶買了一杯超級四季春茶$28,內裡滿滿的新鮮生果如葡萄柚、鮮橙、桔仔和青檸,配以清香綠茶味道很香,而且不會過甜值得一試!


在葵涌廣場買了個想試很久的日本海膽合味道杯麵$30,用來晚上作宵夜享用!!
包裝外的調味料千萬別同下,要杯麵完成後才好放入,否則變了漿糊冇得賠喔!
打開後杯麵內裡有多瓣用了6.9%海膽成份的脫水海膽,另有不少味粉在內加上沸水等3分鐘食得!


3分鐘後吸飽水的海膽杯麵已成形,加入調味包後拌勻便吃得!
湯底是忌廉湯好濃郁但也挺膩,海膽真的意思意思不太覺有海膽味,這杯麵吃一次已足夠!!

留言

  1. 好滿足的一日,不過最後個杯邊似海膽?更似係橙片....

    回覆刪除
  2. 好幸福嘅拍拖日,只要有另一半相伴,食乜同買乜都咁滿足!:)

    回覆刪除
  3. 我上次去水記食唔到碗仔翅

    回覆刪除

張貼留言

熱門文章