羅家飯

近來我的早午餐都係吃這些!情人節餐剩下火箭菜、車厘茄加多粒士多啤梨,點點胡麻醬又一餐不過好味道,因為下了胡麻醬不過就肥DD嘻嘻!

另一天就有村姑的羅馬生菜,又有蓮霧、葡萄、車厘茄和沙糖桔,加少許橄欖油和醋吃好味道! 
而羅家飯就簡單的檸檬蒸烏頭和番茄炒蛋,有營又好吃仲好好佐飯呢! 
烏頭我們喜歡用新鮮檸檬蒸,吃下去味道清香不膩,想魚肉冇腥泥味除了揾檔靚魚買之外,最重要清好魚肚內的黑衣啊!
番茄炒蛋家家也懂做,我家車爸爸不愛老蛋所以要特別處理!這樣子當然好吃但好易煮至水汪汪每次煮都考牌咁!
精雕細琢的飯後果由車爸爸出手,香水菠蘿、沙糖桔加葡萄,看來他應該去做水吧仔合適些!
上星期日車婆婆、公公入來探我們,少不少攻打四方城晚上煮餐飯咁啦!滾啖鮮甜魚湯給大家濕濕口!
見到沙蜆好肥美還了兩斤半作豉椒炒蜆,隻隻肥美好肉地不消一會清光光! 
VVIP到訪鮑魚豆苗少不了,呢款罐頭6頭鮑魚好好味又夠香又煙韌正啊! 
車婆婆最愛吃我弄的燒豬肋骨,可惜醃製時間不夠不算入味,不過亦烤得香口好吃! 
最後蒸多條火喉恰到好處的青斑,蒸起剛剛熟離骨魚肉嫩滑魚味十是靚魚一條! 

留言

  1. 看來他應該去做水吧仔合適些>>笑咗!

    蕃茄炒蛋我真係完全唔敢煮,無耐性呀!

    回覆刪除
  2. 支持車爸去水吧開工,下次私房菜可以有靚果盤食!

    回覆刪除
  3. 妳啲羅家飯真係好鬼正,連啲沙律都正過人

    回覆刪除

張貼留言

熱門文章