外家團年放題

終於到年三十晚了狗年快將去矣!換上的是肥美豬年,寄望往後日子香港能少點怨氣多點祥和,世界和平人人快樂!

快樂便是能齊齊整一家人吃頓團年飯,我有個宅女媽媽只好在荃灣區內找吃,最後選了滿屋日本料理吃日式放題!除了劃紙仔點食物外,在樓面有自助前菜、沙律及小菜和甜品區,車爸爸一見有我喜歡的味附螺肉即刻取來給我吃真抵錫!
而他就取來一大碟他深愛的清酒煮蜆,肥美又冇沙好好味所以他吃了超多呢!
吃日式放題最回本當然是刺身,有牡丹蝦、希靈魚、三文魚、赤貝、油甘魚、劍魚、帶子,賣相夠光澤新鮮度很不錯!我就最喜歡油甘魚刺身超鮮甜又油潤!

壽司的款式超多大家也不客氣狂點!當中以帶子海膽最為吸引,估不到放題的海膽也相當不俗!


另還有一系列軍艦我就投蟹膏軍艦一票喇!好鮮味不過也邪惡!
而我喜歡吃的蒲燒鰻魚竟然是原條上,質素相當不錯大家也大讚好味道!
而咖喱炒蟹則是車婆婆是夜首選,足足吃了三轉之多,試了一件果然香口又鮮味!
串燒中這個豬腩肉真係太正了,微辣香口的腩肉油潤甘香,我只敢吃一口便要忍痛說再見!
炸芝麻雞翼又係好吃之物,偷車爸爸一口吃滿足矣!
串燒海蝦冇咁邪惡我可以多吃兩隻嘻嘻!
泰式炒蜆都唔錯,不過我喜歡清酒煮多些!
天婦羅我冇吃不過車爸爸嫌佢照騙(大厚粉)哈哈哈............
點了兩款鍋物番茄雞肉湯是三哥和琳琳的囊中物,而蟹粥亦是我每次必吃的美食,煲得綿綿的好好味道!
甜品梗係要我勁愛的燒菠蘿,多汁香甜百吃不厭!
燒日本番薯甜美軟糯細細粒絕對是糖衣陷阱,不過番薯營養豐富值得多吃幾粒!
每位客人有自選雪糕一杯!竟然有Fruttato榴槤Gelato我跟車婆婆開心到即時點上,用D24來炮製果味香濃不過唔係人人受得了,只少我們這一家只有我、車爸爸、車婆婆愛吃!其它人還是吃 MÖVENPICK開心些!
三哥是一月份壽星所以可免費享用放題外,更有阿菠蘿雪糕蛋糕送贈,是焦糖咖啡味都幾好味呢!
大家也吃得不亦樂乎被偷影了也不知呢哈哈!

留言

張貼留言

熱門文章