忙年戀!

今天回帶到年初一、二!初一我必定在家準備早午餐,之後就開工整我的*羅*蔔糕,其實過年戀吃的車媽媽真係忙過平時很多呢,用忙年戀來做標題的確合適不過!

睡到下午二時許車爸爸也未起牀唯有叫醒他了!因為吃過早午餐後仲要開工呀!
吃的是團年飯有餘有剩的雞用來煲個綿綿粥,吃過後剩餘日子繼續情意綿綿!
蘿蔔糕吃住街外的貨先喇!晚一點便可以吃自家製的出品喇!
吃飽飽後要開工!七斤蘿蔔做五底剛剛好,車爸爸幫我將部份刨絲,我就將剩餘的切條,還有臘腸和蝦乾,其實煮蘿蔔糕一點也不難!只是工功多一點全是心機嘢!
經過七七四十九日的煉製終於完成我家的*羅*蔔糕,明天便可以送給家人,希望大家吃過後也步步高陞、身體健康!
而每逢初二我必定回外家開年,我們一家加上八姨一家共18人,可惜表弟夫婦今年不在香港,所以只須煮16人開年飯便可!
都係簡單的菜式大肉蟹蓋用來清蒸,今年天氣熱膏爆之餘更香軟!
蟹身以惹味的薑蔥炒,啖啖肉大家也吃得很滿足!
椒鹽粉絲大蝦碌,又係香口嘢粉絲比大蝦更受歡迎!
一部位的大蝦用茄汁煮漫姬表妹最鍾意吃!
車婆婆早已預備了現成白切雞、燒肉,和炆好冬菇豬手鴨掌,我要煮的也不算太多!


清蒸石斑三大條要分兩碟來蒸,時間控制得宜新鮮滑溜不是難事!最後還有車爸爸忘了影相的帶子炒豆苗,就完滿煮起豬年開年飯,希望大家吃過後也身體健康、完完滿滿、行運行到腳趾尾!

留言

  1. 喺Facebook見到張食物大合照時,我已連忙隊比主子睇,話佢知係妳一人煮16人飯嘅成果,佢都睇到“嘩”咗出黎,廚神車媽媽果然勁呀!

    回覆刪除
  2. 新年我無煎燶D糕已經覺得自己好叻,車媽媽廚藝真係令人嘆為觀止!

    回覆刪除

張貼留言

熱門文章