犯罪夜@帝玉庭

請我的身體寬恕我吧!!事關這夜又來一場大閘蟹犯罪之夜其實我自從做了無膽匪類之輩後每年大閘蟹季節只準自己食一隻但今年實在太多誘惑了這夜老友又引誘我到帝玉庭去吃任食大閘蟹餐當中最吸引到我係有款凍食大閘蟹罪過罪過~

多款黃酒選擇豐儉由人吃大閘蟹良伴^0^

帝玉庭由現在至11月15供應滋味蟹逅任食正宗太湖大閘蟹$398/位~星期六,日$428/位套餐包括任食三款口味4-5兩重大閘蟹,蟹粉燕液羮及即泡薑茶~

餐前小碟有脆蜜合桃,鬆脆腰果和惹味烤麩見微之著前菜也一絲不苟~

先來碗蟹粉燕液羮~金黃湯羮惹人憐愛再加上矜貴燕窩單係賣相已吸睛,羮狀剛好不稀不稠味道方面甘香宜人沒丁點腥味胃口即時被打開~

最期待這凍食的麯酒浸大閘蟹先聞到強烈大麯酒香吃下蟹膏跟蟹肉味道香甜醇厚鼻子跟口腔同樣享受~

食大閘蟹最相配當然係黃酒我哋飲越州加飯酒$48/150ml再加上話梅酒味醇香風味也不錯呀~                                                                                                               

第二隻清蒸大閘蟹殼薄肉香不腥可食岀原始味來但未算爆膏~

最後一款龍井蒸大閘蟹茶味比較輕柔不喜濃味又貪新鮮的朋友可以一試~

我食大閘蟹好喜歡將蟹腳一次過起出來然後點上蟹醋一口吃盡這樣食勁爽haha~

一場來到我哋當然要嚐一嚐其它菜式啦,蟹粉百花煎釀帶子$258大廚在帶子上鋪滿彈牙蝦膠然後灑滿金黃蟹粉吃下先來蟹粉的甘香繼而係彈牙蝦膠最後便是鮮甜帶子味層次鮮明伴碟的菜遠也嫩綠清甜呢!!

蟹粉炆豆腐$168濃香之中帶一絲清泉我們再按捺不住要叫一客伊麵來好好欣賞那甘香蟹粉真係好易令人吃至魂飄飄喔!!

吃了那麼多重口味的餸菜大家也想要點清菜減低罪惡感蒜蓉西蘭花$98炒得清爽不油膩很快被我們清碟^0^

 

食大閘蟹又怎可沒有蟹粉小籠包$88/3隻外皮煙韌內餡湯汁豐盈一口吃下去很過癮呢~

完滿的晚餐當然要有甜品啦有我最愛的薑茶湯丸$22/碗薑味挺濃湯丸皮軟糯亦不過甜吃完全身和暖正好中和當晚滂沱大雨涼浸浸的天氣~