另一番味道

馬場給我的感覺從來只是工作的地方,誓估不到現在變了優雅聚餐的好地方某星期六的日馬賽事一班舊雨新知相約往喜馬當先 Hay Market濟濟一堂試試新廚師的手勢~
沿途有好多出色的馬仔喔!!
到達富英倫風味的喜馬當先餐廳~
在這超高樓底的環境下進餐連賽馬那麼緊張的地方也即時變得放鬆~每逢賽馬日12:00-15:00供應半自助餐$430/位,由12:00至13:30有橙汁,西柚汁無限量供應~

行個圈睇睇有咩食先即制奄列質素上佳記得一定要吃喔!!還可要求要蛋白奄列
凍海鮮有花螺,海蝦,青口陣容有點削可幸都新鮮好吃~



地中海式僧帽魚,香氣撲鼻的黑松露醬野菌茄子~

各款調好沙律及新鮮沙律菜~

剌身有甜蝦,北寄貝,吞拿魚及三文魚~
5款Cheese~
風乾火腿,風乾牛肉及莎樂美腸當然唔少得清甜蜜瓜~

即制麵包區有多款選擇包括各款丹麥包,牛角包,杏仁牛角包,鬆餅,多士,麥包,軟牛油包,奶油包~
好正式開餐例牌先來前菜沙律~黑松露醬野菌茄子菌香濃郁又多汁好吃沙律菜亦爽脆鮮甜~
凍海鮮花螺有咬口,青口沒腥味海蝦肉質扎實鮮甜,刺身都算新鮮當中北寄貝頗具彈性食味不俗~
當然要吃我最愛的風乾火腿鹹香清甜交疊那份感覺永不厭倦,即制牛角包熱烘酥香如非要留肚吃甜品真想試多幾款~
一早提到的即制奄列可隨自己喜好加入餡料我要咗磨菇及蕃茄特意命師傅不要煎得太熟~
面層煎得金黃焦香內裡還有蛋汁流出人間美味根本不須甚麼名貴食材耶~
忍不住再取多碟火腿滋味之選^0^
食到半場加入新元素即制牛油薯蓉田螺用火炙至焦香才奉客有心之作~

 已食到半飽係時候order main course同檯4位食友決定除香煎肉餅外全掃~

龍脷柳蟹肉卷伴香煎大蝦配柚子醋汁這主菜要加$100上檯時擺碟優美可惜龍脷柳蟹肉卷味道較重,不過同行其它食友有的同款主菜又沒有這局問題穩定性未能拿捏得準確~
羊扒燴大蒜忌廉薯蓉配紅酒羊肉汁這主菜要另加$80羊我沒吃但見食友切開後粉嫩誘人~
法國油鴨腿伴水煮梨鴨肉薯蓉另加$60鴨腿香脆肉有點over cook可幸薯蓉內藏鴨肉及水煮梨配菜爭回不少分數~
些利雞肉磨菇批伴雜菜沙律酥皮未算酥脆內餡雞肉尚算滑溜~

到13:30麵包區會華麗轉身成甜品區先來吸引力最大的大師雪糕除鐵三角味外仲要有少見Mango Raspberry I Love It^0^
士多啤梨奶凍,紅桑子朱古力餅,法式香草橙味燉忌廉,咖啡三重奏 ~



最特別係番石榴熱情果蛋糕竟係無糖架食多D都沒負擔耶~
黃梅脆糖泡芙及各式朱古力




吃罷這一碟真係大滿足當中最深印象係番石榴熱情果蛋糕真係十分有驚喜酸香鬆軟滑溜俱備好吃~
P小姐見有即制檸檬抹茶梳乎厘煮起取了4件回來分給同檯的我們真多謝她美意,熱辣辣梳乎厘不算很高大吃下有著淡淡抹茶味還多了份檸檬清香但質感略近麵包布甸未夠鬆軟~
咁近城隍廟梗係要求番枝好簽啦,最後當然做咗善事啦haha~

留言

  1. 上次經過依間環境幾吸引呢, 不過可惜唔歡迎小朋友

    回覆刪除
    回覆
    1. 環境真係一流,食物就超一般尤其主菜真係....唉不過未去過都可一試

      刪除

張貼留言

熱門文章