03 11月, 2016

五両半的蟹逅!

大閘蟹呢家嘢真係越吃越強,由三両跟住四両然後四両咁食上去認真過癮,這天好開心約齊一班好友就係要去新滬坊撕廝殺五兩半的蟹皇子!
這個前菜車媽媽愛C它,尤其是那貢菜爽口非常香中帶麻辣好鬼惹味。
率先上場嘅係{滬坊小碟},由蟹粉蛋白,水晶蟹肉,涼拌海參及麻醬沙律組合而成。
重溫的涼拌海參味道依舊香辣,海參咬口十足爽口好吃。
水晶蟹肉晶瑩剔透的湯凍,味道超鮮甜沒帶上丁點腥味,內藏絲絲蟹肉入口更加美妙。
蟹粉蛋白面層的蟹粉頗甘香,而底層的蛋白對我來說有點過熟了!!
到五兩半的蟹皇子出場,行刑特意來跟我們道別一番!
{清蒸五兩半嘅大閘蟹}終於行刑完畢,氣勢磅礡的上檯了。
個子豐滿的蟹皇子挺墜手,打開蓋後內裡充斥黃白互纏的蟹膏,邪惡得可以!


我最喜愛吃白膏的這位蟹皇子的入口黏稠,正是我最愛的口感,而味道須未至頂級甘香,但已足夠令人滿足喔!
將蟹身拆肉放上匙羹內添上香醇陳醋一口吃盡,鮮甜蟹肉即時在口腔爆發,這感受真的深刻,希望快點兒能再感受過。
繼續蟹粉菜式上檯,{蟹粉燕麥蝦}大大隻爽口彈牙的大蝦上,鋪滿金黃香濃的蟹粉,甘香鮮甜共冶一爐。
接力的是{蟹粉百花蘆筍},用上蝦膠包裹著嫩綠的蘆筍,像少女般清麗綻放,蝦膠吃下很有質感像混了墨魚膠,加上清甜無渣的蘆筍,很是討人歡喜呢!
{醬汁年糕烤毛蟹}炒得濕度剛好的毛蟹,香氣滿溢令人期待呢!
濃醬包裹著的毛蟹公主紅膏豐盈,香口惹味極之誘惑喔!
但論到最愛的係這片軟糯煙韌的年糕,索盡毛蟹的香氣加上濃郁醬汁的味道,簡直係精華所在。
吃了那麼多蟹粉菜式,當然要飲杯勁薑茶暖暖胃啦!新滬坊的薑茶夠晒足料辛辣好喝。
吃了那麼多濃油赤醬的菜式係時候要清淡一些,來一客{上湯豆苗}有雲腿在內所以吃下鹹香鮮味,豆苗亦嫩口沒渣很好吃啊~


最後係{蟹粉小餛飩},這個湯頭鮮味十足,內有的色式可愛的小餛飩在浮游,雖然真的很飽但也很想吃呢!
呢粒小雲吞就巴閉囉!個子少少但係咬開內裏充滿蟹肉嘅鮮甜味,最終我將它全數吃盡呢!
這夜的甜品係{八寶甜湯}和{玫瑰士多啤梨凍糕}。
玫瑰士多啤梨凍糕質感滑溜,帶幽幽的玫瑰香氣,而且甜而不膩很不錯呢。
八寶甜湯超足料,內有桂圓,杞子,超大紅棗及玫瑰花等等,味道不會過甜喝罷滋潤順喉!


6 則留言:

  1. 大閘蟹,可能出年有機會返香港食

    回覆刪除
    回覆
    1. 真係架yeah~今次要好好跟妳相聚^0^

      刪除
  2. 食蟹皇子好喇,唔好食左我44... @@

    回覆刪除
  3. 我對醬汁年糕烤毛蟹嘅年糕最感興趣!

    回覆刪除