拍拖放題夜

大家都知車媽媽兩公婆好喜歡食日式放題架啦,好彩而家選擇十分多真的一星期試一間都要幾年先試得晒全港的放題店呢!!不過有幾間車媽媽特別喜歡好似這夜的八幡屋日本料理便是其中之一喇^0^

嘩星期四的夜晚九點還高朋滿座,放題魅力真不容小覷喔!! 

最愛吃八幡屋的生蠔所以決定跟上回一樣$198/位外加多$50/位升級體驗,便可任食生蠔和另外9款升級美食^0^

另一樣令我選它嘅係飲品係點選後由侍應送上而不須像一般放題店般人來人往,重點係有可口可樂供應啊^0^ 

先來一碟刺身拼盤黑鳥貝,劍魚腩,三文魚,甜蝦,希靈魚及虎蝦刺身,各樣刺身好都新鮮喎~

最特别係除了日本芥辣外還會附上泰式生蝦汁,又不錯噃唔使成日獨沽一味芥辣嘛!!  

第一次吃黑鳥貝其實味道跟白鳥貝沒兩樣,同係爽脆鮮甜^0^ 

呢碟係升級刺身,赤蝦刺身和啊珍寶帶子刺身睇樣已經夠吸引耶,帶子質地柔軟味道香甜不錯不錯~

赤蝦刺身巨型的身軀看見已心心眼啦!!吃下又軟又糯兼且鮮味很足,超級好味道啊^0^

這5款創作壽司色彩繽紛,有生果又有魚生姑勿論味道如何心思已夠濃,何況味道也挺不俗啊~

記得這兒壽司質素不錯那都點數款品嚐一吓啦!!火炙左口魚裙邊,鰻魚,海老王,赤貝,象拔蚌及黑松露油甘魚壽司,當中最好味係黑松露油甘魚壽司,魚味香濃帶油香好誘人^0^ 

海膽軍艦鮮味不算濃香但也沒有丁點腥味,反而要讚紫菜還帶鬆脆放題小有的喔!!

當然少不了我最愛的生蠔啦,這兒的係用日式酸汁配蘿蔔蓉奉客~

生蠔鮮甜帶脆,味道酸香多吃兩隻也不覺漏喉呢~       
到熱食點了日式溫泉蛋,日式味噌炒蜆,北海道海鮮粟米湯,芝士大蝦金龍船和黃金焗蠔~

芝士大蝦金龍船用燒香的芝士配上爽口大蝦那有不好吃的道理,而黃金焗蠔帶點沙律醬酸香味道也不錯喔!! 

日式味噌炒蜆這個獻汁料有點過稠口感麻麻哋,可幸味道不錯蜆肉亦新鮮無沙~

日式溫泉蛋木魚味香濃,蛋黃盪漾迷人真的十分有水準,大家記得要吃喔!! 

嘻嘻有我最喜歡吃的辣味螺肉,一客真的不夠喉呢不過還有很多美食等緊我噃!! 

這份汁燒豚小排和炭燒紐西蘭羊架,用上燒汁製成加添一份香甜也不錯吖!! 

到香口嘢炸蝦天婦羅,秋葵明太子天婦羅,炸芝士年糕及芝士薯波~ 

當中最有特色係秋葵明太子天婦羅,挖空的秋葵釀入明太子蝦膠味道也不錯喎,入口又沒有那麼多黏液好啱怕秋葵滑潺潺的朋友試試架!!

芝士薯波一咬開超滿足,一口鹹香好鬼滋味呢^0^ 

鹽燒多春魚燒得有點過龍,浪費了飽滿魚春的多春魚了!! 

但鹽燒虎蝦,燒至鹹香的大蝦十分香口惹味,而蝦肉更是爽彈鮮甜好吃到痺啊^0^ 

埋尾整碗冷稻庭烏冬,估不到那麼重份量,可惜有紫菜在内車爸爸沒法幫口,仍幸質感煙韌滑溜我才輕易KO了它呢~ 

終於到甜品時間喇雪糕係雀巢貨色不過任食也不錯啦,荔枝雪米糍荔枝味好出色細細一隻吃多兩粒也不怕呢~ 

有焦糖菠蘿當然要勁掃啦5件都唔係好過份啫hehe,泡芙仲有美呆的櫻花水信玄餅~ 

晶瑩剔透的櫻花水信玄餅令車爸爸吃得如此可愛,一定係十分美味呢haha~